Компания «Sinopec International Energy Investment Holdings Netherlands B.V.» Маңғыстау облысындағы Сай-Өтес учаскесінде 5500 метр тереңдікте C-1 іздестіру ұңғымасын бұрғылауды бастады

Бұрғылау жұмыстарының басталуына Энергетика министрлігінің департамент директоры, Сай-Өтес ауылдық округінің әкімі және Қазақстандағы Sinopec компаниясының өкілдері қатысты.

Компания 2023-2024 жылдар аралығында ауқымды далалық іздестіру жұмыстарын орындады, соның ішінде көлемі 1006,74 км болатын, 5500 метр тереңдікке дейін жүргізілген 2D далалық сейсмикалық барлау жұмыстары да бар. Нәтижесінде таскөмір дәуіріне жататын алты тұзақ анықталып, учаскенің болашағы бар геологиялық ресурстары бағаланды, сондай-ақ тереңдігі 5000 метрден асатын екі жобалық ұңғыманың орналасқан жері айқындалды.

C-1 ұңғымасын бұрғылауға жоспарланған шығындар 4,7 миллиард теңгені құрайды.

Сай-Өтес учаскесінде терең барлау ұңғымасын бұрғылаудың басталуы өңірдің геологиялық зерттелуі үшін маңызды оқиға болып табылады.