ҚР ЭМ Ұлттық ядролық орталығының Геофизикалық зерттеулер институты (бұдан әрі-ҚР ҰЯО ГЗИ) жер сілкінулері мен жарылыстарды бақылаудың жаһандық желілеріне кіретін, сейсмикалық және инфрадыбыстық мониторинг станциялары желісін басқарады. Бұл станциялардың бір бөлігі Ядролық сынақтарға жан-жақты тыйым салу туралы шартын (ЯСЖТШ) қолдауға арналған Халықаралық мониторинг жүйесінің қазақстандық сегменті болып табылады. Станциялар үздіксіз режимде жұмыс істейді, деректер нақты уақыт режимінде спутниктік және интернет-арналар арқылы Халықаралық деректер орталықтары мен Алматы қаласындағы деректер орталығына беріледі.
Алматы қаласындағы Деректер орталығы ҚР ҰЯО ГЗИ бөлімшесі болып табылады және Халықаралық мониторинг жүйесінде Қазақстандық ұлттық деректер орталығының (KNDC) міндеттерін орындайды. Мұнда тәулік бойы деректерді жинау және беру, деректерді автоматты және үздіксіз режимде өңдеу жүргізіледі. KNDC жұмысының нәтижелері Орталықтың https://www.kndc.kz веб-сайтында ұсынылады.
ҚР ҰЯО ГЗИ бақылау желісі, сондай-ақ зерттелетін аумақта болған сейсмикалық оқиғалар туралы толық ақпаратты мына сілтеме бойынша алуға болады https://www.kndc.kz/index.php?option=com_content&view=article&id=32&Itemid=133&lang=ru.