2020 жылы Электрондық еңбек биржасы арқылы 273 мыңнан астам адам жұмысқа орналасты
2020 жылдың 6 айында Электрондық еңбек биржасы (бұдан әрі – ЭЕБ) порталы арқылы 155,7 мың адам тұрақты жұмысқа және 117,6 мың адам уақытша жұмысқа орналастырылды.
ЭЕБ іске қосылған сәттен бастап (2018 жылдың басынан бері) порталда 1,25 млн-нан астам жұмысқа орналасу тіркелді, олардың 895 мыңы – тұрақты жұмыс орындарына орналасқандар.
Сонымен қатар, 2 млн.бос жұмыс орнын жариялаған мен 1,46 млн. түйіндеме қалдырған 226 мыңнан астам жұмыс беруші мен 1 млн. 88 мың жұмыс іздеуші ЭЕБ қызметін пайдаланды. Бүгінгі күні порталда 58 мың бос жұмыс орны және 199 мың түйіндеме өзекті.
«Еңбек ресурстарын дамыту орталығы» АҚ талдауына сәйкес екінші тоқсанның қорытындысы бойынша жұмыс іздеушілер арасында ең көп түйіндеме кеңсе-менеджер, Жол жөндеу жұмысшысы және автомобиль жүргізушісі бағыттары бойынша орналастырылған. Өз кезегінде жұмыс берушілерге жол жөндеу жұмысшылары, автокөлік жүргізушілері мен күзетшілер қажет.
Естеріңізге сала кетейік, ЭЕБ порталын ҚР Еңбек және халықты әлеуметтік қорғау министрлігі Елбасының тапсырмасы бойынша әзірледі және 2018 жылдың қаңтарында пайдалануға берілді. ЭЕБ негізгі мақсаттарының бірі азаматтарға жұмысқа орналасуға, жұмыс берушілерге – қызметкерлерді іздестіру мен іріктеуге көмек көрсету болып табылады. ЭЕБ-ға мемлекеттік Жұмыспен қамту орталықтарынан, сондай-ақ жұмыс берушілерден, жеке агенттіктерден және онлайн-алаңдардан келіп түскен бос жұмыс орындары мен түйіндемелер шоғырландырылады. Бүгінгі таңда ЭБТ-ға халықты жұмыспен қамту жөніндегі 203 орталық, 6 интернет-алаң, 4 БАҚ, 54 жеке жұмыспен қамту агенттігі қосылды.
Бұдан басқа, портал функционалын кеңейту шеңберінде деректердің дұрыстығын растау және кіру нысандарын автотолтыру бөлігінде мемлекеттік органдардың ақпараттық жүйелерімен, сондай-ақ халықты жұмыспен қамту орталықтарының мемлекеттік базасымен ықпалдастырылды. Сондай-ақ, ЭЕБ арқылы «Бастау-Бизнес» жобасына қатысушылардың есебі мен мониторингі, Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған «Еңбек» мемлекеттік бағдарламасы шеңберінде ТжКБ оқушыларының мониторингі және халықты жұмыспен қамту саласындағы қызметтердің аутсорсингі жүргізіледі.
Сонымен қатар, порталда келесі жаңашыдықтар іске асырылды:
- Жұмыс берушілер мен ізденушілердің деректері негізінде қажетті дағдылар базасын жинауға, ізденушілерге нақты дағдыларды үйрету үшін модульдік оқу бағдарламаларын әзірлеуді ұсынуға мүмкіндік беретін «Құзыреттер банкі»;
- жұмыс берушілер мен аудандық/қалалық жұмыспен қамту бөлімдері үшін 3ТН (жасырын жұмыссыздық) нысаны бойынша онлайн режимде есептілікті қалыптастыру және ұсыну;
- «виртуалды кеңесші» модулі арқылы әлеуметтік-еңбек саласындағы 18 мемлекеттік қызмет бойынша консультациялық көмек көрсету»;
- мүгедектігі бар адамдар үшін жұмыс орындарын құруды субсидиялауға жұмыс берушілердің онлайн-режимінде өтінім жіберу мүмкіндігі;
- мобильдік жұмыспен қамту орталықтары үшін функционал іске асырылды;
- жұмыс беруші мен қызметкер арасында онлайн-режимінде электрондық еңбек шарттарын қалыптастыру және жасасу;
- Электрондық үкімет eGov.kz-тің Telegram-bot-та бос орындар мен түйіндеме іздеу функционалы қосылған;
- зейнетақыларды проактивті тағайындау мақсатында еңбек өтілін растау үшін құжаттарды цифрландыру бойынша пилот іске қосылды;
- функционалды оңтайландыру және кеңейту бойынша бірқатар басқа шешімдер.
Бұдан әрі ЭБТ платформасында Мемлекеттік қызметтерді (Жұмыс іздеп жүрген адамды тіркеу, жұмыстан айырылған жағдайда жәрдемақы алуға өтініш беру) және жұмыспен қамтуға жәрдемдесу бойынша қолдау шараларын алу (жастар практикасы, әлеуметтік жұмыс орындары, қоғамдық жұмыстар және т. б.), Жаңа мамандықтар мен құзыреттер атласын енгізу, «Шекарасыз жұмыс» іздеудің біріздендірілген жүйесі» жобасы шеңберінде Одаққа мүше мемлекеттерде жұмыс пен жұмыскерлерді іздеу бөлігінде ЕАЭО мүше мемлекеттердің ақпараттық жүйелерімен интеграциялау іске асыру және т. б жоспарлануда.