ҚР Еңбек және халықты әлеуметтік қорғау министрлігінің Әдеп жөніндегі уәкілі Өркен Алшынбаева Еңбек, әлеуметтік қорғау және көші – қон комитетінің аумақтық департаменттерінің (бұдан әрі - ЕӘҚКК) қызметкерлеріне мемлекеттік қызметшілердің Әдеп кодексінің нормаларын және қызметтік әдеп стандарттарын түсіндіру үшін Қазақстанның батыс өңірлеріне барды.
Алшынбаева алғашқы кездесуін Еңбек, әлеуметтік қорғау және көші – қон комитетінің Маңғыстау облысы бойынша аумақтық департаментінің қызметкерлерімен өткізді. Іс-шара барысында ол мемлекеттік қызметшілердің Әдеп кодексінің нормаларын егжей-тегжейлі түсіндіріп, тәртіптік жаза қолдану және мемлекеттік қызметті жетілдіру туралы айтты. Сондай-ақ, кездесу барысында Әдеп жөніндегі уәкіл этикалық стандарттарды қолданудың шетелдік тәжірибесі туралы хабардар етті.
«Құндылықтарды өзгерту және сыбайлас жемқорлыққа қарсы мәдениетті арттыру арқылы сыбайлас жемқорлыққа төзбеушілікті қалыптастыру, сондай-ақ адалдық, заңдылық пен прагматизм әрқайсымыздың ішкі құндылық сенімімізге айналуға тиіс. Сіздердің әрқайсыларыңыз қоғамдағы тәртіпті сақтайтын жоғары кәсіби және лайықты мемлекеттік қызметші болатындарыңызға сенімдімін», - деді Өркен Алшынбаева кездесу соңында.
Жұмыс сапары барысында ЕХӘҚМ Әдеп жөніндегі уәкілі Атырау, Батыс Қазақстан және Ақтөбе облыстарындағы ЕӘҚКК аумақтық департаменттерінің қызметкерлерімен кездесулер өткізеді.