2025 жылы халықтың әлеуметтік осал топтарының құқықтарын қорғау мақсатында әлеуметтік инспекторлар 1,5 мыңнан астам тексеру жүргізді

2025 жылы мемлекеттік әлеуметтік инспекторлар 1 577 тексеру жүргізді, оның 535 – жоспардан тыс, 638 – профилактикалық бақылау аясында, 404 – прокуратураның талабы бойынша өтті. Тексеру қорытындысы бойынша анықталған бұзушылықтарды жою туралы 770 ұйғарым берілді, 96,6 млн теңгеден астам сомаға 414 айыппұл салынды.

Мемлекеттік бақылаумен қамтылғандар: мемлекеттік және квазимемлекеттік ұйымдар – 305, денсаулық сақтау нысандары – 183, білім беру – 242, әлеуметтік қорғау – 432, мәдениет – 64, спорт – 56, көлік инфрақұрылымы – 44, қоғамдық тамақтану – 27, сауда – 95, қаржы қызметін көрсету – 25 және басқа да нысандар – 104.

Арнаулы әлеуметтік қызметтер көрсету және мүгедектігі бар адамдарды әлеуметтік қорғау саласындағы тексерулер саны өңірлер бөлінісінде:

• Астана қаласы – 97 тексеру;
• Алматы қаласы – 111 тексеру;
• Шымкент қаласы – 68 тексеру;
• Абай облысы – 44 тексеру;
• Ақмола облысы – 42 тексеру;
• Ақтөбе облысы – 36 тексеру;
• Алматы облысы – 100 тексеру;
• Атырау облысы – 72 тексеру;
• Шығыс Қазақстан облысы – 53 тексеру;
• Жамбыл облысы – 49 тексеру;
• Жетісу облысы – 60 тексеру;
• Батыс Қазақстан облысы – 101 тексеру;
• Қарағанды облысы – 75 тексеру;
• Қостанай облысы – 85 тексеру;
• Қызылорда облысы – 133 тексеру;
• Маңғыстау облысы – 88 тексеру;
• Павлодар облысы – 148 тексеру;
• Солтүстік Қазақстан облысы – 60 тексеру;
• Түркістан облысы – 113 тексеру;
• Ұлытау облысы – 42 тексеру.

Бұл ретте инспекторлар барлық өңірде мүгедектігі бар адамдар үшін әлеуметтік инфрақұрылымды бейімдеуде оң өзгерістер бар екенін атап өтуде. Мұны мүгедектігі бар жандар да растайды.

«Қалада денсаулық сақтау және спорт мекемелерінде кедергісіз орта белсенді түрде құрылуда. Медициналық ұйымдар өздігінен жүріп тұруы қиын азаматтар үшін бейімделген: арнайы автотұрақтардан бастап қолжетімді санитариялық тораптар мен көру қабілеті нашар жандарға арналған навигацияға дейін қарастырылған. Осындай жұмыстар спорт нысандарында да жүргізілді, онда мүгедектігі бар адамдардың спортпен шұғылдануына толық қолжетімділік қамтамасыз етілген», – деп бөлісті Павлодар қаласының тұрғыны, бірінші топтағы мүгедектігі бар Юлия Петрусева.