ҚР ЕХӘҚМ Халықты әлеуметтік қорғауды дамыту ұлттық ғылыми орталығында есту қабілеті бұзылған балалардың есту және сөйлеу тілін оңалту бойынша бір апталық семинар өтуде. Қазақстандық мамандар мен кохлеарлы импланттарды қолданатын балалардың ата-аналарына арналған оқыту шарасын жетекші халықаралық сарапшы, профессор Инна Королева өткізуде.
11-16 тамыз аралығында өтіп жатқан семинар есту қабілеті бұзылған балаларды қолдаудың озық тәжірибелерімен алмасу мақсатында ұйымдастырылған. Үздік әлемдік тәжірибені енгізу ҚР Еңбек және халықты әлеуметтік қорғау министрлігінің оңалту қызметтерінің сапасы мен тиімділігін арттыру жөніндегі жүйелі жұмысының маңызды бөлігі болып табылады.
«Мұндай семинарлар есту қабілеті бұзылған балаларды қолдау және сүйемелдеу жөніндегі бірлескен жұмысымызды дамытуға үлкен үлес қосады. Біздің ынтымақтастығымыз жемісті, бай және ең бастысы оқушыларымыз бен олардың отбасылары үшін пайдалы болады деп сенеміз», – деп атап өтті Инна Королева семинар қатысушыларына жылы шырай білдіріп.
Семинар қорытындысы бойынша қазақстандық мамандар өз біліктіліктерін арттырады, ал ата-аналар балаларына көмектесу үшін құнды тәжірибелік білім алады деп күтілуде. Министрлік еліміздегі әлеуметтік қорғау жүйесін одан әрі жетілдіру үшін үздік халықаралық сарапшыларды тарту бойынша жұмысты жалғастырады.
Инна Королева – психология ғылымдарының докторы, Санкт-Петербург құлақ, тамақ, мұрын және сөйлеу ҒЗИ-ның бас ғылыми қызметкері, Санкт-Петербургтегі балалар сурдологиялық орталығында оңалту бағдарламаларының ғылыми директоры. Ол 800-ден астам ғылыми жарияланымның, мамандар мен ата-аналарға арналған көптеген оқу құралдарының, сондай-ақ кохлеарлық имплантациядан кейінгі балаларды оңалтудың бірегей «есту» әдісінің авторы.
2025 жылғы 1 тамыздағы жағдай бойынша жастар практикасы бойынша 9,1 мың адам жұмысқа орналастырылды. 2025 жылы бұл салада барлығы 38,9 мың жас қазақстандықты жұмыспен қамту жоспарлануда.
Жастар практикасы бойынша жұмысқа орналастырылғандардың ең көп саны Түркістан – 2,1 мың адам, Жамбыл – 802 адам, Қызылорда облыстарда – 775 адам және Шымкент қ. – 665 адам тіркелген.
Жастар практикасына қатысатын әйелдердің үлесі 62,7% немесе 5,4 мың адамды, ал ауыл тұрғындарыныі үлесі – 5 мың адамды немесе 58,1%-ды құрайды.
Білім беру ұйымдарының үлесі – 35 жасқа дейінгі жұмыссыз түлектері алған кәсібі (мамандығы) бойынша бастапқы жұмыс тәжірибесін алу үшін жастар тәжірибесіне қатысушылар бола алады.
Алған кәсібі (мамандығы) бойынша бастапқы жұмыс тәжірибесін алу мақсатында білім беру ұйымдарының 35 жастан аспаған жұмыссыз түлектері жастар практикасына қатыса алады. Жастар практикасына қатысу үшін мансап орталығына өтініш беру қажет.
Жұмыс беруші жастар практикасына қатысушыларға кәсіби білім мен жұмыс тәжірибесін беру үшін тәлімгерді бекітеді.
Республика бойынша орташа жалақы мөлшері 109,5 мың теңгені құрады.
Жастар практикасын қаржыландыруды Еңбек мобильділігі орталығы «Азаматтарға арналған үкімет» мемлекеттік корпорациясы арқылы ай сайынғы жалақы төлеу арқылы жүзеге асырады. Төлем екінші деңгейдегі банктерде ашылған қатысушылардың ағымдағы (карточкалық) шоттарына ақша қаражатын аудару жолымен жұмыс беруші ұсынған мәліметтер негізінде жүргізіледі.
Жастар практикасы арқылы жұмысқа орналастырылғандар арасында ең көп сұранысқа ие мамандықтар: мейіргер – 654 адам, заңгер – 367 адам, бастауыш сынып мұғалімі – 309 адам, тәрбиеші – 292 адам, шет тілі мұғалімі – 282 адам.
Жастар практикасына қатысқан қазақстандықтар бұл мемлекеттік қолдау шарасы туралы оң пікірлерін айтуда. Солардың бірі – Көкшетау қаласының тұрғыны Бәтима Жасұланова.
«2024 жылы Кенжеғали Сағадиев атындағы Халықаралық бизнес университетін «Өнеркәсіптегі халықаралық бизнес-логистикасы» мамандығы бойынша бітірдім. Аз уақыт астаналық ұйымда жұмыс істеп, штатты қысқарты кезінде жұмыстан босап қалдым. Мансап орталығына хабарласып, жұмыссыз ретінде тіркелдім. Онда маған жастар практикасына қатысуды ұсынды. Қазір Ақмола облысының жолаушылар көлігі және автомобиль жолдары басқармасында көлік инженері болып жұмыс істеймін», – дейді Бәтима Жасұланова.
Сеулге жұмыс сапары барысында ҚР Еңбек және халықты әлеуметтік қорғау бірінші вице-министрі Асқарбек Ертаев Корей Республикасының мемлекеттік органдарының өкілдерімен бірқатар кездесулер өткізді, оның барысында еңбек көші-қоны мәселелері талқыланды.
Атап айтқанда, Асқарбек Ертаев Корей Республикасының Иммиграциялық қызметі комиссарының м. а. Чон-до Киммен, Корей Республикасының Жұмыспен қамту және еңбек министрлігінің Халықаралық ынтымақтастық бюросының Бас директоры Пак Иль Хунмен және «Қазақстан – Корея» парламентаралық достық тобының Төрағасы, Корей Республикасы Ұлттық Ассамблея депутаты Пак Хон Гынмен келіссөздер жүргізді.
Келіссөздер барысында тараптар Еңбек көші-қоны саласындағы ынтымақтастық мәселелерін, оның ішінде Қазақстанды шетелдік азаматтарды жұмысқа орналастыруға рұқсат беру жүйесіне – Employment Permit System (бұдан әрі – EPS) енгізу жөніндегі алдағы қадамдарды талқылады.
Қазақстандық тарап көші-қон заңнамасын жетілдіруді, еңбек мигранттарының болу шарттарының сақталуын бақылауды күшейтуді, сондай-ақ шетелде жұмыс істейтін азаматтардың құқықтары мен мүдделерін қорғау жөніндегі тетіктерді әзірлеуді қоса алғанда, EPS жүйесіне қосылуға дайындық бойынша қабылданып жатқан шаралар туралы хабардар етті.
Тараптар сындарлы диалогты жалғастыруға дайын екендіктерін білдірді және Қазақстан азаматтары үшін EPS жүйесін іске қосуға негіз болатын тиісті үкіметаралық келісімге мүмкіндігінше тезірек қол қою үшін қажетті рәсімдерді бірлесіп әзірлеуге келісті.
Асқарбек Ерсаев Корей Республикасымен еңбек көші-қоны саласындағы ынтымақтастықтың маңыздылығын атап өтіп, қол жеткізілген уағдаластықтар қазақстандықтар үшін заңды және қауіпсіз жұмысқа орналастыру арналарын дамытуға ықпал ететініне сенім білдірді.
ҚР Еңбек және халықты әлеуметтік қорғау министрлігі мен «Шеврон» компаниясының қолдауымен ITeachMe қоры ұйымдастырған ITMLab 2.0 жобасының екінші маусымының онлайн хакатоны аяқталды. Іс-шара Қазақстандағы мүгедектігі бар адамдардың өмір сүру сапасын жақсартуға бағытталған перспективалық технологиялық шешімдерді таңдаудың негізгі кезеңі болды.
Екінші маусымда жоба республикалық деңгейге шықты, бұл Қазақстанның барлық аймақтарынан қатысушыларды тартуға мүмкіндік берді. Онлайн хакатон студенттерді, IT мамандарды біріктірді. Екі күн бойы командалар сандық қолжетімділіктен бастап ұтқырлықты жақсартуға, жасанды интеллект технологияларын қолдануға дейін нақты әлемдегі қиындықтармен жұмыс істеді.
Іс-шараның қорытындысы бойынша 260-тан астам ұсынылған өтінімдердің ішінен 32 команда іріктеліп, жобаның келесі кезеңіне – идеялардың тұсаукесері өтетін Intro Day кезеңіне өтті. Әзірленген жобалар сөйлеу бұзылыстарын түзету, инклюзивті білім беру, ұтқырлықты қамтамасыз ету және дауыс көмекшілерімен қосымшалар жасау сияқты негізгі бағыттарды қамтиды.
ITMLab жобасы жай ғана технологиялық бәсекелестік емес, кедергілерді жойып, қоғамды шын мәнінде инклюзивті ете алатын идеялар туатын платформа. Оның негізгі мақсаты – мемлекет, бизнес және азаматтық қоғам арасындағы тиімді серіктестік мүгедектердің өмір сүру сапасын жақсарту бойынша практикалық шешімдерді табуға және енгізуге мүмкіндік беретін инновациялар үшін экожүйені құру.
Шешуші кезеңдегі жобалар 2026 жылдың ақпан айында Астанада бизнес өкілдерінің, инвесторлардың, мүдделі министрліктер мен қоғамдық ұйымдардың алдында қорытынды демо-күнінде таныстырылады.
Еске салайық, ITMLab жобасының бірінші маусымының финалы 2024 жылы өтті. Астана мен Алматыда өткен хакатондардың қорытындысы бойынша 6 үздік стартап мүгедектігі бар адамдардың өмір сүру сапасын жақсартуға бағытталған прототиптерін жүзеге асыру үшін грант алды.
ҚР Еңбек және халықты әлеуметтік қорғау министрлігінде Әлихан Бәйменовтің төрағалығымен ұлттық зейнетақы жүйесін реформалаудың негізгі тәсілдерін талқылауға арналған Сараптамалық кеңестің отырысы өтті.
Зейнетақы жүйесін реформалау мәселесі мемлекеттің әлеуметтік саясатындағы стратегиялық басымдықтардың бірі болып табылады. Жаңғырту қажеттілігі жаһандық демографиялық сын-қатерлермен де, жүйенің ұзақ мерзімді қаржылық тұрақтылығын қамтамасыз етуді талап ететін жаңа экономикалық жағдайлармен де туындап отыр. Бұл жұмыс ҚР Әлеуметтік кодексінің негізгі ережелерін жүзеге асыру аясында қолға алынған. Министрлік болашақ өзгерістерге негіз болатын теңдестірілген және жан-жақты әзірленген тәсілдерді әзірлеу үшін кең сараптамалық талқылауға бастамашы болды.
Отырысты ашқан ҚР Еңбек және халықты әлеуметтік қорғау министрі Светлана Жақыпова жиынның басты мақсаты тәуелсіз талқылау алаңын қамтамасыз ету және зейнетақы жүйесін дамытудың стратегиялық бағыттары бойынша сарапшылар қауымдастығының ұсыныстарын тыңдау екенін ерекше атап өтті.
Отырыста актуарлық есептеулер мен халықаралық тәжірибені талдау негізінде сараптамалық топ дайындаған ұсыныстар қаралды. Талқылау барысында қатысушылар кең ауқымды мәселелерді, соның ішінде ынтымақты және жинақтаушы компоненттердің рөлі мен теңгерімін, базалық зейнетақыны есептеу тетіктерін, зейнетақы жарналарының қолданыстағы мөлшерлемелерінің сәйкестігін, БЖЗҚ-дан мерзімінен бұрын алудың болашақ төлемдерге әсерін, сондай-ақ активтерді басқару тиімділігін арттыруды және өзін-өзі жұмыспен қамтығандардың жинақтаушы жүйеге қатысуын ынталандыруды жайын сөз етті.
Негізгі тәсілдермен таныстыру барысында сараптамалық топ мүшелері зейнетақы жүйесін жаңа экономикалық және демографиялық сын-қатерлерге дер кезінде бейімдеу қажеттігін атап өтті.
«Қазақстанның зейнетақы жүйесі көпдеңгейлі, бұл оның тұрақтылығын қамтамасыз етеді. Дегенмен, ұзақ мерзімді перспективада оның сәйкестігін сақтау үшін модернизациялау қажет. Негізгі бағыттардың бірі – мемлекеттік құрамды нығайту. Біз базалық зейнетақының мөлшерін ең төменгі күнкөріс деңгейімен емес, ең төменгі жалақымен байланыстыру мүмкіндігін қарастыруды ұсынамыз, бұл зейнеткерлердің кірісін тиімдірек қолдауға мүмкіндік береді», – деп атап өтті «Bank RBK» Директорлар кеңесінің төрағасы Болат Жәмішев.
«Қаржыландырылатын құрамдас бөліктің тиімділігін арттыру үшін қызметкерлердің жарналары мен болашақ жұмыс берушінің жарналарын шоғырландыру мәселесін де қарастыру маңызды. Зейнетақы активтерінің инвестициялық кірістілігін арттыруға және өзін-өзі жұмыспен қамтыған азаматтардың қатысуын ынталандыруға, оның ішінде жарналарды қоса қаржыландыру тетіктерін дамытуға ерекше назар аудару қажет. Бұл тәсілдердің барлығы актуарлық есептеулермен және халықаралық тәжірибемен расталады. Біздің ортақ міндетіміз – қазіргі және болашақ зейнеткерлердің лайықты өмір сүруін қамтамасыз ететін теңгерімді ұсыныстар әзірлеу», – деді «Бірыңғай жинақтаушы зейнетақы қоры» АҚ басқарма төрағасы Жанат Құрманов.
Кездесу соңында Светлана Жақыпова мазмұнды пікірталас үшін қатысушыларға алғысын білдіріп, ел азаматтарын болашақта зейнетақымен қамтамасыз ету оның нәтижесіне байланысты болғандықтан, теңгерімді шешімдер әзірлеу бойынша бірлескен жұмыс жалғасатынын атап өтті.
Әлеуметтік-еңбек саласын дамыту мәселелері бойынша Сараптамалық кеңестің отырыстары тұрақты негізде өткізілетін болады, онда зейнетақы жүйесін реформалау бойынша ұсыныстар әзірлеу жұмыстары жалғасады.
2025 жылғы 1 тамыздағы жағдай бойынша жұмыспен қамтуға жәрдемдесудің белсенді шараларымен 221,7 мың адам қамтылды, 292,2 мың қазақстандық жұмысқа орналастырылды.
Субсидияланатын жұмыс орындарына мансап орталықтары арқылы 129,8 мың адам жіберілді, оның ішінде: әлеуметтік жұмыс орындарында 11,5 мың адам, жастар практикасында 9,1 мың адам, қоғамдық жұмыстарда 91,7 мың адам, «Күміс жас» жобасы аясында 14,8 мың адам, «Алғашқы жұмыс орны» жобасы бойынша 2,6 мың адам, «Ұрпақтар келісімшарты» жобасы шеңберінде 90 адам жұмыспен қамтылды.
Еңбек нарығындағы сұранысқа ие дағдылар бойынша онлайн оқытумен 48,5 мың жұмыссыз қамтылды, оның ішінде 45,3 мыңы оқуды аяқтады.
«Бастау Бизнес» жобасы бойынша кәсіпкерлік негіздеріне оқытумен 34,6 мың адам қамтылды, оның ішінде 19 мың адам оқуды аяқтап, сертификаттар алды.
Жұмыс берушілердің өтініші бойынша кәсіптік оқытуға 4 610 адам жіберілді, оның ішінде 834 адам оқуды аяқтады.
Бұдан басқа, қызмет саласын таңдау мақсатында кәсіптік орталықтарда 224,3 мың адам әлеуметтік кәсіптік бағдарлаудан өтіп, кеңес беру қызметтерін алды.
Азаматтарды жұмысқа орналастыру бірнеше бағыт бойынша жүзеге асырылатынын және шын мәнінде жұмысқа орналасқандығы олар үшін міндетті зейнетақы жарналарының аударылуымен расталатынын атап өткен жөн.
Мәселен, 2025 жылғы 1 тамызда 292,2 мың адам жұмысқа орналастырылды, оның ішінде: халықты жұмыспен қамтуға жәрдемдесудің белсенді шаралары шеңберінде – 129,8 мың адам; Электрондық еңбек биржасында жұмыс берушілер орналастырған бос бос орындарға – 86,2 мың адам; Мемлекет басшысының «10 мың тұрғынға 100 жұмыс орны» бастамасы шеңберінде – 66,3 мың адам; орталық мемлекеттік органдар іске асыратын жобалар шеңберінде – 9,9 мың адам.
Сонымен қатар, 2025 жылы халықтың әлеуметтік осал санаттарына жаңа бизнес-бастамаларды жүзеге асыру үшін 400 АЕК-ке дейін (1 572 800 теңге) 9 мың грант беру көзделген. Бірінші лекте 4,2 мың грант берілді. 11 тамыздан бастап «Business.Enbek» порталында 2-лекке үміткерлерден өтініштерді қабылдау басталды.
ҚР Еңбек және халықты әлеуметтік қорғау министрлігі қазақстандық жұмысшыларға тәлімгерлік ұйымдастыру қағидаларына және шетелдік жұмыс күшін тартатын жұмыс берушілерге қойылатын талаптарға өзгерістер енгізуді жоспарлап отыр. Ведомство басшысының тиісті бұйрығының жобасы туралы ақпарат «Ашық НҚА» порталында жарияланған.
Құжат қазақстандық жұмысшыларды кәсіптік біліктілікті тануға даярлау сапасын арттыру мақсатында шетелдік жұмыс күші қатарындағы тәлімгерлерге қойылатын талаптарды кеңейтуді көздейді.
Өзгерістерге сәйкес тәлімгердің жұмыс жоспары білім мен тәжірибенің берілуін қамтамасыз етіп қана қоймай, сонымен қатар алға қойылған мақсаттарға қол жеткізу және қазақстандық қызметкердің кәсіби тиімділігін арттыру контекстінде тәлімгерлік қызметінің нақты тиімділігін бағалауға мүмкіндік беруі тиіс.
Жоба тәлімгерлік кезінде қызметкердің алған кәсіби дағдылары мен білімін, тәжірибесі мен құзыреттерін бағалау стандарттарын енгізеді.
Бұл өзгерістерді енгізу қазақстандық жұмысшыларды даярлау сапасын арттыруға, білім мен тәжірибенің неғұрлым тиімді берілуін қамтамасыз етуге, тәлімгерлерді ынталандыруға, кәсіби біліктілікті табысты тануға жағдай жасауға мүмкіндік береді.
Шілдеде жұмыс берушілер «Enbek.kz» электронды еңбек биржасында 104,8 мың бос жұмыс орнын орналастырды, бұл маусыммен салыстырғанда 4,6 мыңға (4%) аз. Сонымен қатар, бір айда өтініш бергендердің саны 38 мыңға (34%) артты – 147,8 мың түйіндеме жарияланды.
Шілдеде бос жұмыс орындарының айтарлықтай өсуін Алматы (+28%, 4,2 мыңға дейін) және Қызылорда (+20%, 2,8 мыңға дейін) облыстары, сондай-ақ Алматы қаласы (+20%, 7,9 мыңға дейін) және Солтүстік Қазақстан облысы (+17%, 4,7 мыңға дейін) көрсетті. Бұл ретте бос жұмыс орындарының ең көп азаюы Жамбыл (-57%, 3,3 мыңға дейін) және Түркістан (-45%, 5,6 мыңға дейін) облыстарында байқалды.
Шілде айында бос жұмыс орындарын орналастырған жұмыс берушілердің көпшілігі білім беру (20 мыңнан астам бос жұмыс орны), қызметтің басқа түрлетін көрсететін ұйымдар (16,5 мың), денсаулық сақтау (10,6 мың) және өңдеу (7,7 мың бос орын) салаларында болды – осы салалардың жиынтық үлесі барлық бос жұмыс орындарының 57%-ын құрады. Бұл ретте білім саласындағы әрбір төртінші бос орын Астана және Алматы қалаларында орналастырылды.
Нақты мамандықтардың ішінде жұмыс берушілер арасында ең көп сұранысқа ие болғандар мейіргерлер (2,2 мың бос жұмыс орны), тәрбиешілер (1,9 мың) және автокөлік жүргізушілері (1,8 мың) болды.
Біліктілік талаптары бойынша сұраныс құрылымы жоғары білікті жұмыс күшіне ауысты – шілдеде 32,9 мың бос жұмыс орны орналастырылды (31,4%). Біліктілігі жоқ жұмысшыларға сұраныс та өсті – 44,3 мың бос жұмыс орны (42,3%). Орташа білікті жұмысшылар 26,3% жағдайда ғана (27,6 мың) іздестірілді.
Шілде айында түйіндемелердің саны барлық аймақтарда түгел өсім көрсетті. Бұл ретте жұмыс іздеушілердің белсенділігі бірінші кезекте Шымкент (+54%, 19,6 мың түйіндеме), Қызылорда (+46%, 9,3 мыңға дейін) және Атырау (+38%, 10,4 мыңға дейін) облыстарында айтарлықтай өсті.
Ең жоғары жалақыны келесі мамандықтар бойынша: ұшқыш (орта есеппен 1,8 млн теңгеден), сынақ және жабдықты реттеу бөлімінің бастығы (~1,5 млн теңге) және IT саласындағы техникалық директор (~1,4 млн теңге) үміткерлер күткен. Ал нақты сектор ұсынатын ең жоғары жалақы төленетін ашық лауазымдар: тау-кен өнеркәсібіндегі учаске басшысының орынбасары (756 мың теңгеден), учаске басшысы (~747 мың теңге) және бас құрылысшы (~668 мың теңге).
Осылайша, жаздың ортасына қарай маусымдық сұраныстың өсуінен кейін жұмыс берушілер белсенділігі ішінара түзетілді, бірақ жұмыс іздеушілердің қызығушылығы жалғасын табуда, әсіресе оқу орындарының қызметкерлері арасында жоғары білікті еңбек сегментінде байқалады.
ҚР Еңбек және халықты әлеуметтік қорғау министрлігі (бұдан әрі – ЕХӘҚМ) «Еңбек жолы» байқауының республикалық кезеңі басталғанын хабарлайды, оның аясында Қазақстандағы үздік өндіріс қызметкерлері мен еңбек әулеттері анықталады.
Бұл конкурс өнімді еңбекті ынталандыруға, жастар арасында жұмысшы мамандықтарды танымал етуге және жұмысшы әулеттерінің көпжылдық дәстүрлерін нығайтуға бағытталған.
Байқау жыл сайын екі кезеңде – облыстық және республикалық деңгейде, үш номинация бойынша өткізіледі: «Үздік еңбек әулеті» – еңбек өтілі ең ұзақ, марапаты ең көп әулет таңдалады; «Жұмыс істейтін жастардың үздік тәлімгері» – жұмыс өтілі кемінде 20 жыл, жоғары тиімді жұмыс істейтін тәлімгер таңдалады; «Өндірістің үздік жас маманы» – жұмыс өтілі 5 жылдан аспайтын, ең белсенді және еңбекқор өндіріс жұмыскері таңдалады.
Байқаудың облыстық кезеңі ағымдағы жылдың шілде айында аяқталды. Биыл жергілікті атқарушы органдар 17 облыс пен республикалық маңызы бар 3 қаладан 505 өтінішті қабылдады. Барлық үш номинация бойынша «Еңбек жолының» республикалық кезеңінде өз өңірлерін қорғайтын 60 жеңімпаз іріктелді.
Байқау жеңімпаздарын құрамына ведомство өкілдері, ҚР Парламентінің депутаттары, әлеуметтік серіктестіктер, «Қазақстанның ет-сүт одағы» ЗТБ және Қазақстан құрылысшылар қауымдастығының өкілдері кіретін ЕХӘҚМ жанындағы республикалық комиссия анықтайды.
«Еңбек жолы» байқауының жеңімпаздарын марапаттау рәсімі ағымдағы жылдың желтоқсан айында Жұмысшы мамандықтары жылының жабылуына арналған шарада өтеді деп жоспарлануда.
2025 жылғы 1 тамыздағы жағдай бойынша мемлекеттік еңбек инспекторлары республиканың 239 кәсіпорны 3,5 мыңнан астам жұмыскерге 1,3 млрд теңгеге жалақы бойынша берешек екенін анықтады. Сонымен бірге түрлі ұйымдарда жүргізілген тексерулер барысында еңбек құқығы бұзылуының 4 мыңнан астам фактісі анықталды.
Жалақы бойынша берешегі және еңбек құқығының бұзылуы анықталған кәсіпорындардың басшыларына орындауға міндетті 2 287 ұйғарым берілді және 277 млн теңгеден астам сомаға айыппұл салынды.
Қабылданған шаралардың, оның ішінде жалақы бойынша берешекті өтеудің қатаң кестелері мен мерзімдерін белгілеудің нәтижесінде
3,4 мыңнан астам жұмыскердің құқықтары қорғалды. Оларға 1,1 млрд теңге төленді.
Бұдан басқа, еңбек заңнамасының сақталуына мемлекеттік бақылауды қамтамасыз ету мәселелері ҚР Еңбек және халықты әлеуметтік қорғау министрлігінің ерекше бақылауында.
2025 жылғы 1 тамыздағы деректер бойынша мемлекеттік еңбек инспекторлары 3 514 тексеру жүргізді, оның барысында 4 132 бұзушылық анықталды, оның ішінде: еңбек саласында – 3 465; еңбек қауіпсіздігі және еңбекті қорғау бойынша – 648; халықты жұмыспен қамту бойынша – 19.
Қабылданған шаралардың нәтижесінде 25 мың жұмыскердің еңбек құқығы қорғалды.