Еңбек күні қарсаңындағы кездесу!

Еңбек күні қарсаңындағы кездесу!

2026 жылғы 22 қыркүйекте, Қазақстан Республикасының Еңбек күні қарсаңында, жылы әрі ізгі ниетті атмосферада «Темірбетон» ЖШС еңбек ұжымымен кездесу өтті. Кездесуге Жетісу облысы бойынша халықты әлеуметтік қорғау саласындағы реттеу және бақылау комитеті департаментінің басшысы З.Илимжанова, Департаменттің зейнетақымен және әлеуметтік қамсыздандыру бөлімінің басшысы О.Қойшыбаев және Жетісу облысы бойынша Мемлекеттік еңбек инспекциясы департаменті бөлімінің басшысы Ш.Әбішев қатысты.

«Темірбетон» ЖШС өз қызметін 1999 жылдан бері жүзеге асырып келеді. Кәсіпорын өңір халқын жұмыспен қамтуда маңызды рөл атқарады, 676-ға жуық тұрақты жұмыс орнын ұсынады. Кәсіпорын қызметінің негізгі бағыты — құрастырмалы темірбетон конструкциялары мен бұйымдарын өндіру. Кәсіпорынның өндірістік қуаты жылына 189 мың тоннаны құрайды.

Кездесу барысында зейнетақымен және әлеуметтік қамсыздандыру саласындағы өзекті мәселелер талқыланды.

Кәсіпорын қызметкерлері зейнетақылар мен әлеуметтік төлемдерді тағайындау мәселелеріне, оларды есептеу ерекшеліктеріне, сондай-ақ тиісті төлемдерді рәсімдеу және алу тәртібіне қызығушылық танытты.

Ашық диалог барысында қызметкерлер өздерін қызықтырған сұрақтарын қойып, құзыретті жауаптар алды.

Кездесу соңында Жетісу облысы бойынша халықты әлеуметтік қорғау саласындағы реттеу және бақылау комитеті департаментінің басшысы З.Илимжанова «Темірбетон» ЖШС қызметкерлерін алдағы Қазақстан Республикасының Еңбек күні мерекесімен құттықтап, оларға зор денсаулық, амандық, тұрақтылық, жаңа кәсіби жетістіктер және еңбек қызметінде табыс тіледі.