«Алтын алқа» және «Күміс алқа»: көпбалалы аналардың мәртебесі

Марапатталған анаға берілетін жәрдемақы

«Алтын алқа», «Күміс алқа» алқаларымен наградталған немесе бұрын «Батыр ана» атағын алған, сондай-ақ I және II дәрежелі «Ана даңқы» ордендерімен наградталған аналарға марапатталған анаға берілетін жәрдемақы тағайындалады.

Марапатталған анаға берілетін жәрдемақы бюджет қаражаты есебінен ай сайын төленеді.

«Күміс алқа» алқасымен наградталған аналарға – 27 680 теңге;

«Алтын алқа» алқасымен наградталған немесе бұрын «Батыр ана» атағын алған, сондай-ақ I және II дәрежелі «Ана даңқы» ордендерімен наградталған аналарға – 32 005 теңге.

Жәрдемақы тағайындау үшін қажетті құжаттар

Жәрдемақыны тағайындау үшін мынадай құжаттар ұсынылады:

– өтініш;

– жеке басын куәландыратын құжат (жеке куәлік, шетелдіктің Қазақстан Республикасында тұруға ықтиярхаты, азаматтығы жоқ адамның куәлігі);

– «Алтын алқа», «Күміс алқа» алқаларымен наградталғанын немесе бұрын «Батыр ана» атағын алғанын, сондай-ақ I және II дәрежелі «Ана даңқы» ордендерімен наградталғанын растайтын құжат.