«Қызмет алушылар күні» аясында азаматтарға түсіндіру жұмыстары жүргізілді

Қазақстан Республикасы Мемлекеттік қызмет істері агенттігінің Жамбыл облысы бойынша департаменті ағымдағы жылдың 25 маусымында ұйымдастырған «Қызмет алушылар күні» іс-шарасы аясында Халықты әлеуметтік қорғау саласындағы реттеу және бақылау комитетінің Жамбыл облысы бойынша департаментінің №1 қамсыздандыру және зейнетақы тағайындау бөлімінің бас маманы Балабекова Алия Мадибекқызы қатысты.

Іс-шара барысында азаматтарға зейнетақы және мемлекеттік әлеуметтік жәрдемақыларды тағайындау мәселелері бойынша түсіндіру жұмыстары жүргізіліп, қызмет алушылардың көкейінде туындаған сұрақтарға жан-жақты жауаптар берілді.

Аталған іс-шара халыққа көрсетілетін мемлекеттік қызметтердің қолжетімділігі мен сапасын арттыруға, сондай-ақ азаматтардың құқықтық сауаттылығын нығайтуға бағытталған.