ТҮРКІСТАН ҚАЛАСЫНДА ҚОЛЖЕТІМДІ ОРТА ҚАЛЫПТАСТЫРУ БОЙЫНША МОНИТОРИНГ ЖҮРГІЗІЛДІ
«Қолжетімді Қазақстан» жобасы шеңберінде Түркістан облысы аумағында мүмкіндігі шектеулі азаматтар үшін елді мекендерде «кедергісіз орта» құруды қамтамасыз ету бағытында «Қолжетімді Қазақстан» жобасының бастауымен жергілікті уәкілетті органдардың қатысумен жиын өткізіліп және қоғамдық бақылау жұмыстары жүргізілді.
Жиынға Еңбек, әлеуметтік қорғау және көші-қон комитетінің Түркістан облысы бойынша департаментінің халықты әлеуметтік қорғау саласындағы бақылау бөлімінің басшысы Қ.Естеуова, ҚР Сыбайлас жемқорлыққа қарсы іс-қимыл агенттігінің Түркістан облысы бойынша департаменті басшысының бірінші орынбасары М.Қарғабай, Түркістан облыстық мәслихатының депутаты, «Қолжетімді Қазақстан» жобасының жетекшісі Г.Тәжібаева, Түркістан облыстық жұмыспен қамтуды үйлестіру және әлеуметтік бағдарламалар басқармасының басшысы Ә.Темірбаева және облыстық жергілікті атқарушы органдарының мамандары, Үкіметтік емес ұйым өкілдері мен осы саладағы эксперттер қатысты.
Жиынның күн тәртібінде мүмкіндігі шектеулі азаматтар үшін елді мекендерде «кедергісіз орта» құру бойынша нақты шаралар қабылдау, осы салада проблемалық мәселелерді шешу және қоғамдық бақылауды күшейту мәселелері қаралды.
Жиын барысында «Қолжетімді Қазақстан» жобасының жетекшісі Г.Тәжібаева және бөлім басшысы Қ.Естеуова баяндама жасады.
Іс - шарада сөз сөйлеген Мирас Қарғабай өңірдегі мүмкіндігі шектеулі азаматтардың шағымдарына тоқталып, бүгінде олардың мүддесі мен құқықтары толық қорғалмай отырғанын, пандус мәселесі жыл сайынғы келе жатқан проблема екенін, сондықтан аталған азаматтардың мемлекеттік мекемелер мен кәсіптік субъект ғимараттарына еркін кіріп-шығуы үшін облыс аумағында орналасқан пандус жүйелеріне, автокөлік қою орындарына, қоғамдық көліктерге және басқа да орындарға қоғамдық бақылау жұмыстарын бірлесіп жүргізуге шақырды.
Жиын соңында баяндамашылардың ақпараттары назарға алынып, аталған проблемалық мәселелерді жою үшін тиісті құзырлы орган мамандарынан, эксперттерден, арнайы мониторинг топ мүшелерінен, «Түркістан - адалдық алаңы» жобалық кеңсе менеджерлерінен және қоғам өкілдерімен арнайы мониторингтік топ құрып, зерделеу жұмыстарының нәтижесімен Облыс әкіміне қоғам тарапынан қордаланған мәселелер бойынша ұсыныс енгізу қажеттілігі айтылды.
Сондай-ақ, жиын аяқталысымен іс-шараға қатысқан барлық мемлекеттік орган және үкіметтік емес ұйым өкілдері бірлесіп облыс орталығында орналасқан нысандардағы пандустердің стандарттарға сәйкестігіне қоғамдық бақылау жүргізіп, анықталған кемшіліктер бойынша тиісті мекеме басшыларына ескерту жасалып, кемшіліктерді жою ұсынылды.