Баршаның заң мен сот алдындағы теңдігі.

Азаматтық істер бойынша Сот төрелігі баршаның заң мен сот алдындағы теңдігі негізінде жүзеге асырылады.

Азаматтық сот ісін жүргізу барысында: азаматтардың ешқайсысына артықшылық берілмейді, олардың ешқайсысын тегіне, әлеуметтік, лауазымдық және мүліктік жағдайына, жынысына, нәсіліне, ұлтына, тіліне, дінге көзқарасына, намысына, тұрғылықты жеріне байланысты немесе кез келген өзге де мән-жайлар бойынша кемсітуге болмайды;

заңды тұлғалардың ешқайсысына артықшылық берілмейді және олардың ешқайсысын орналасқан жеріне, ұйымдық-құқықтық нысанына, бағыныстылығына, меншік нысанына байланысты және басқа да мән-жайлар бойынша кемсітуге болмайды.

Азаматтық-құқықтық жауаптылықтан иммунитеті бар адамдарға қатысты азаматтық сот ісін жүргізудің талаптары Қазақстан Республикасының Конституциясында, осы Кодексте, заңдарда және Қазақстан Республикасы ратификациялаған халықаралық шарттарда айқындалады.