«Айыртау аудандық ауруханасы» ШЖҚ КМК-да

2026 жылғы 25 мамырда Қазақстан Республикасы Еңбек және халықты әлеуметтік қорғау министрлігі Әлеуметтік қорғау саласындағы реттеу және бақылау комитетінің Солтүстік Қазақстан облысы бойынша департаментінің №1 медициналық-әлеуметтік сараптама бөлімінің мамандары «Айыртау аудандық ауруханасы» ШЖҚ КМК мамандарымен кеңес өткізді.

Кеңес барысында азаматтарды медициналық-әлеуметтік сараптамаға жіберудің негізділігі, 031/е нысанындағы «Медициналық-әлеуметтік сараптамаға қорытындыны» толтыру сапасы, сондай-ақ Солтүстік Қазақстан облысында мүгедектікті белгілеудің ерекше тетігі бойынша пилоттық жобаны іске асыру мәселелері қаралды.

Сонымен қатар туындаған сұрақтар бойынша жан-жақты түсіндіру жұмыстары жүргізілді.