2025 жылы мемлекеттік жәрдемақылармен, сондай-ақ Мемлекеттік әлеуметтік сақтандыру қорынан (бұдан әрі – МӘСҚ) баланы босануға және бала 1,5 жасқа толғанға дейін оның күтіміне байланысты жалпы сомасы 806,8 млрд теңгені құрайтын төлемдермен 565,7 мың адам қамтылды.
https://www.gov.kz/memleket/entities/enbek/press/news/details/1144809?lang=kk
ҚР Еңбек және халықты әлеуметтік қорғау министрлігі мүгедектігі бар балаларға, мүгедектігі бар адамдарға және қарттарға арналған шағын сыйымдылықтағы үйлер мен күндізгі күтім бөлімшелері үшін жаңа стандарттарды әзірледі. Ведомство басшысының тиісті бұйрық жобасы туралы ақпарат «Ашық НҚА» порталында жарияланды.
https://www.gov.kz/memleket/entities/enbek/press/news/details/1143177?lang=kk
2025 жылы Қазақстанда медициналық-әлеуметтік сараптама (бұдан әрі – МӘС) жүргізу аясында мүгедектікті белгілеуге арналған 113,1 мың өтінім сырттай форматта қаралды. Бұл ел бойынша куәландырудан өткен мүгедектігі бар адамдардың жалпы санының 42,5 пайызын құрайды.
https://www.gov.kz/memleket/entities/enbek/press/news/details/1138392?lang=kk
ҚР Еңбек және халықты әлеуметтік қорғау министрлігінің (бұдан әрі – Еңбекмині) бастамасымен ерекше қажеттіліктері бар адамдарға инватакси қызметін көрсету кезінде такси агрегаторларын пайдалану жөніндегі пилоттық жобаны іске асыру шеңберінде 2025 жылы Астана мен Алматы қалаларында аталған қызмет 489,8 мың рет көрсетілді.
https://www.gov.kz/memleket/entities/enbek/press/news/details/1137696?lang=kk
2026 жылғы 1 қаңтардан бастап мемлекеттік жәрдемақылардың, базалық және ынтымақты зейнетақылардың барлық түрлерінің мөлшері ҚР Ұлттық Банкі айқындайтын инфляцияның болжамды деңгейіне сәйкес 10%-ға ұлғайтылды.
https://www.gov.kz/memleket/entities/enbek/press/news/details/1136270?lang=kk
2026 жылғы 21 қаңтарда Департамент басшысының орынбасары Е.У. Сугурова, №1 медициналық-әлеуметтік сараптама бөлімінің басшысы А.Д. Сыздыкова, бас маман Д.М. Мамбетова «СҚО әкімдігінің денсаулық сақтау басқармасы» КММ-нің «№3 қалалық емхана» ШЖҚ КМК-ның мамандарымен семинар өткізді.
Семинар барысында Департамент басшысының орынбасары Солтүстік Қазақстан облысы әкімдігінің денсаулық сақтау басқармасының мамандары тарапынан жекелеген нозологиялық нысандар бойынша сырттай проактивті форматта «Мүгедектікті және/немесе еңбекке қабілеттілігін жоғалту дәрежесін белгілеу және/немесе қажетті әлеуметтік қорғау шараларын айқындау» мемлекеттік қызметін көрсетудің ерекше тетігін енгізу жөніндегі пилоттық жобаның тиісті деңгейде іске асырылмай отырғаны туралы ақпарат жеткізді. Аталған пилоттық жоба Қазақстан Республикасы Еңбек және халықты әлеуметтік қорғау министрінің 2025 жылғы 5 маусымдағы №168, Қазақстан Республикасы Денсаулық сақтау министрінің 2025 жылғы 11 маусымдағы №56 және Қазақстан Республикасы Цифрлық даму, инновациялар және аэроғарыш өнеркәсібі министрінің 2025 жылғы 9 маусымдағы №292/НҚ бірлескен бұйрығымен бекітілген.
№1 медициналық-әлеуметтік сараптама бөлімінің мамандары «№3 қалалық емхана» ШЖҚ КМК дәрігерлік-консультациялық комиссиясы жолдаған азаматтарға «Мүгедектікті және/немесе еңбекке қабілеттілігін жоғалту дәрежесін белгілеу және/немесе қажетті әлеуметтік қорғау шараларын айқындау» мемлекеттік қызметін көрсету бойынша бөлім қызметінің қорытындыларын жеткізді.
Медициналық-әлеуметтік сараптамаға жолдау мәселелері қарастырылып, азаматтарды медициналық-әлеуметтік сараптамаға негізсіз жолдау жағдайлары, сондай-ақ «№3 қалалық емхана» ШЖҚ КМК мамандары тарапынан 031/у нысанындағы «Медициналық-әлеуметтік сараптамаға қорытынды» құжатының сапасыз толтырылу деректері талқыланды.
Сонымен қатар келесі нормативтік құқықтық актілер бойынша түсіндірме жұмыстары жүргізілді: «Қазақстан Республикасы Премьер-Министрінің орынбасары – Еңбек және халықты әлеуметтік қорғау министрінің 2023 жылғы 29 маусымдағы №260 «Медициналық-әлеуметтік сараптама жүргізу қағидаларын бекіту туралы» бұйрығына өзгерістер мен толықтырулар енгізу туралы» 2025 жылғы 2 мамырдағы №131 бұйрық, «Арнаулы әлеуметтік қызметтер көрсететін ұйымдардың қызметі қағидаларын бекіту туралы» 2023 жылғы 22 маусымдағы №230 бұйрық.
Емхана дәрігерлері тарапынан қойылған барлық сұрақтарға №1 медициналық-әлеуметтік сараптама бөлімінің мамандары жан-жақты және толық жауаптар берді.
2026 жылғы 21 қаңтарда Қазақстан Республикасы Еңбек және халықты әлеуметтік қорғау министрлігінің Әлеуметтік қорғау саласындағы реттеу және бақылау комитетінің төрағасы И.В. Скуб ZOOM платформасы арқылы аумақтық департаменттермен 2025 жылғы қызмет қорытындыларын шығару және 2026 жылға арналған жұмыс жоспарларын талқылау мақсатында кеңес өткізді.
Аталған кеңеске Халықты Әлеуметтік қорғау саласындағы реттеу және бақылау комитетінің Солтүстік Қазақстан облысы бойынша департаментінің басшысы М.Қ. Омаров қатысты.
Кеңес барысында аумақтық департаменттердің есептік кезеңдегі негізгі жұмыс нәтижелері қаралып, проблемалық мәселелер мен алдағы жұмыстың басым бағыттары айқындалды.
2026 жылы халықты әлеуметтік қорғау саласындағы мемлекеттік бақылау мен реттеудің тиімділігін арттыруға бағытталған негізгі міндеттер мен шаралар белгіленді.
2026 жылғы 20 қаңтарда Департамент басшысының орынбасары Сүгірова Е.Ұ., № 1 медициналық-әлеуметтік сараптама бөлімінің басшысы Сыздыкова А.Д., сондай-ақ бас маман Мамбетова Д.М. «Приишимье и К» ЖШС мамандарымен семинар өткізді.
Семинар барысында азаматтарды медициналық-әлеуметтік сараптамаға жолдау мәселелері, медициналық-әлеуметтік сараптамаға негізсіз жолдау жағдайлары, сондай-ақ 031/у нысанындағы «Медициналық-әлеуметтік сараптамаға қорытынды» құжатын толтыру сапасы қаралды.
«Приишимье и К» ЖШС дәрігерлік-консультациялық комиссиясы жолдаған тұлғаларға «Мүгедектікті және (немесе) еңбекке қабілеттілігінен айырылу дәрежесін белгілеу және (немесе) қажетті әлеуметтік қорғау шараларын айқындау» мемлекеттік қызметін көрсету бойынша № 1 медициналық-әлеуметтік сараптама бөлімінің қызмет нәтижелері қатысушыларға жеткізілді. Қосымша түрде келесі нормативтік құқықтық актілердің талаптары түсіндірілді: 2025 жылғы 2 мамырдағы № 131 бұйрық — «Қазақстан Республикасы Премьер-Министрінің орынбасары – Еңбек және халықты әлеуметтік қорғау министрінің 2023 жылғы 29 маусымдағы № 260 „Медициналық-әлеуметтік сараптаманы жүргізу қағидаларын бекіту туралы“ бұйрығына өзгерістер мен толықтырулар енгізу туралы»; 2023 жылғы 22 маусымдағы № 230 бұйрық — «Арнаулы әлеуметтік қызметтер көрсететін ұйымдардың қызмет қағидаларын бекіту туралы».
Сондай-ақ емхана дәрігерлерінен келіп түскен барлық сұрақтарға толық жауаптар берілді.
Қазақстан Республикасының «Құқық бұзушылықтардың профилактикасы туралы» Заңы 2025 жылғы 30 желтоқсанда Президентпен қол қойылып, 2026 жылғы 2 наурызда күшіне енеді.
Жаңа заң қолданыста болған 5 нормативтік актіні біріктіріп, құқық бұзушылықтардың алдын алудың бірыңғай тетігін қалыптастырды.
Солидарлық жауапкершілік енгізіледі:
– өңірдегі қоғамдық тәртіп үшін – әкімдер;
– өз құзыреті шегінде профилактика жүргізу үшін – мемлекеттік органдар;
– есептерді тыңдау үшін – мәслихаттар жауапты болады.
Ведомствоаралық комиссияның мәртебесі арттырылды – оның құрамы мен өкілеттіктері Қазақстан Республикасы Президентімен бекітіледі, ал жұмыс нәтижелері Ұлттық баяндамада көрсетіледі.
Құжатта азаматтар мен қоғамдық ұйымдардың құқық бұзушылықтардың алдын алу іс-шараларына белсенді қатысуы көзделген.
Құқықтық ағарту арқылы заңға деген құрмет пен құқыққа қарсы әрекеттерге төзбеушілік, соның ішінде цифрлық платформаларды пайдалану арқылы да қалыптастырылады.
Заңды іске асыру аясында кәмелетке толмағандар арасындағы құқық бұзушылықтардың алдын алу мәселелеріне ерекше мән беріледі. Бұл бағыттағы жұмыс балалардың құқықтары мен заңды мүдделерін қорғауға, қараусыз қалудың және құқыққа қарсы мінез-құлықтың алдын алуға бағытталған.
Профилактикалық әңгімелер, құқықтық түсіндірулер, құқықтық сауаттылықты арттыруға арналған іс-шаралар, сондай-ақ кәмелетке толмағандарға және олардың заңды өкілдеріне әлеуметтік-психологиялық қолдау көрсетіледі.
Сонымен қатар, басым бағыттардың бірі – бұрын сотталған адамдар арасында қайталанатын құқық бұзушылықтардың алдын алу болып табылады.
Аталған санаттағы азаматтарға қатысты олардың әлеуметтік бейімделуіне және қайта әлеуметтенуіне бағытталған жеке профилактикалық шаралар жүзеге асырылады. Жұмысқа орналастыру, әлеуметтік қызметтер алу, әлеуметтік байланыстарды қалпына келтіру мәселелері бойынша өзара іс-қимыл жүргізіледі, сондай-ақ заң талаптарын сақтау және оларды бұзғаны үшін жауапкершілік туралы түсіндіру жұмыстары жүргізіледі.
Осылайша, Қазақстан Республикасының «Құқық бұзушылықтардың профилактикасы туралы» Заңын іске асыру қоғамдық қауіпсіздікті қамтамасыз етуге, қылмыс деңгейін төмендетуге және қоғамда құқық бұзушылықтарға төзбеушілік ахуалын қалыптастыруға бағытталған. Бұл ретте кәмелетке толмағандар мен бұрын сотталған адамдарды қоса алғанда, осал топтар арасындағы профилактикаға ерекше назар аударылады.
2026 жылғы 12 қаңтарда «Халықты әлеуметтік қорғау саласындағы реттеу және бақылау комитетінің Солтүстік Қазақстан облысы бойынша департаменті» РММ-де зейнеткеріміз – Оразбек Рүстемұлы Айдарбековті «Еңбек ардагері» медалімен марапаттауға арналған іс-шара өтті.
Құттықтау сөзбен Департамент басшысы М.Қ. Омаров сөз сөйлеп, Оразбек Рүстемұлы Айдарбековтің әлеуметтік жүйенің дамуына қосқан зор үлесін, көпжылдық адал еңбегін атап өтті.
Сондай-ақ, Департамент ұжымы өздерінің ыстық ықыласымен шынайы алғыстарын білдіріп, құттықтау сөз сөйледі.