Қазақстан Республикасының кейбір заңнамалық актілеріне азаматтардың жекелеген санаттарын әлеуметтік қорғау мәселелері бойынша өзгерістер мен толықтырулар енгізу туралы

Қазақстан Республикасында мүгедектiгi бойынша және асыраушысынан айырылу жағдайы бойынша берiлетiн мемлекеттiк әлеуметтiк жәрдемақылар туралы" 1997 жылғы 16 маусымдағы Қазақстан Республикасының Заңы бойынша мүгедектік жәрдемақысы келесі топтарға тағайындалатын:
16 жасқа дейінгі мүгедек балалар - 1,40 ең төменгі күнкөріс деңгейі-48023 теңге;
Бала кезінен мүгедектер: 1 топ – 1,92 ең төменгі күнкөріс деңгейі - 65860 теңге;
Бала кезінен мүгедектер: 2 топ – 1,59 ең төменгі күнкөріс деңгейі-54541 теңге;
Бала кезінен мүгедектер: 3 топ – 1,20 ең төменгі күнкөріс деңгейі-41163 теңге;
2021 жылдың 23 қазаннан бастап аталған заңнамаға мүгедектікті анықтау бойынша, мүгедек балаларға және бала кезінен мүгедектерге берілетін жәрдемақының мөлшеріне өзгерістер енгізілді.
Мүгедектерге мүгедектігі бойынша айлық жәрдемақылар мынадай көлемде тағайындалады:
жеті жасқа дейінгі мүгедек балаларға – 1,40 ең төмен күнкөріс деңгейі – 48023 теңге;
жеті жастан он сегіз жасқа дейінгі бірінші топтағы мүгедек балаларға – 1,92 ең төмен күнкөріс деңгейі – 65860 теңге;
жеті жастан он сегіз жасқа дейінгі екінші топтағы мүгедек балаларға – 1,59 ең төмен күнкөріс деңгейі – 54141 теңге;
жеті жастан он сегіз жасқа дейінгі үшінші топтағы мүгедек балаларға – 1,40 ең төмен күнкөріс деңгейі – 48023 теңге;
бала кезінен бірінші топтағы мүгедектерге – 1,92 ең төмен күнкөріс деңгейі – 65860 теңге;
бала кезінен екінші топтағы мүгедектерге – 1,59 ең төмен күнкөріс деңгейі – 54141 теңге;
бала кезінен үшінші топтағы мүгедектерге – 1,20 ең төмен күнкөріс деңгейі – 41163 теңге;
бірінші топтағы мүгедектерге – 1,92 ең төмен күнкөріс деңгейі – 65860 теңге;
екінші топтағы мүгедектерге – 1,53 ең төмен күнкөріс деңгейі – 52483 теңге;
үшінші топтағы мүгедектерге – 1,04 ең төмен күнкөріс деңгейі – 35675 теңге мөлшерінде тағайындалады.
Сонымен қатар, Қазақстан Республикасындағы арнаулы мемлекеттік жәрдемақы туралы" 1999 жылғы 5 сәуірдегі Қазақстан Республикасының Заңына сәйкес бірінші топ мүгедегіне күтім жасайтын және оларды ертіп жүретін тұлғаға мүгедектіктің себебіне қарамастан, ең төменгі күнкөріс деңгейінің 1,4 мөлшерінде - 48023 теңге көлемінде жаңа жәрдемақы енгізілді. Бұл кезге дейін тек 1-ші топ бала кезінен мүгедектігі бойынша қараушысына тағайындалатын.