"Жеті жастан бастап балаларға мүгедектік топтарын белгілеу"
2021 жылы 23 қарашада сағат 09.30-да Өңірлік коммуникациялар қызметі онлайн форматта "жеті жастан бастап балаларға мүгедектік топтарын белгілеу"тақырыбында баспасөз конференциясын өткізді.
Іс-шараның спикерлері:
Губарев Евгений Владимирович – Еңбек, әлеуметтік қорғау және көші-қон комитетінің Павлодар облысы бойынша департаментінің басшысы.
Сартымбетова Ляззат Есмағанбетқызы – Еңбек, әлеуметтік қорғау және көші-қон комитетінің Павлодар облысы бойынша департамент басшысының орынбасары.
Ирбис телерадиокомпаниясы, журналистердің қатысуымен.
Брифингтің негізгі тақырыбы-жеті жастан бастап балаларға мүгедектік топтарын белгілеу. "Қазақстан Республикасының кейбір заңнамалық актілеріне азаматтардың жекелеген санаттарын әлеуметтік қорғау мәселелері бойынша өзгерістер мен толықтырулар енгізу туралы" 2021 жылғы 12 қазандағы Мүгедектігі бойынша жәрдемақыны саралай отырып, жеті жастан бастап балаларға мүгедектік топтарын белгілеу жөніндегі норманы регламенттейтін Қазақстан Республикасының Заңы түсіндірілді. Заң 2021 жылғы 24 қазанда қолданысқа енгізілді.
МӘС бөлімдерінің бұрын "мүгедек бала" санаты бойынша белгіленген мүгедектік кезеңіне арналған тіршілік әрекетінің шектелу дәрежесін бағалау және МӘС актісінде бар деректер негізінде сырттай шығарылған сараптамалық қорытынды негізінде автоматтандырылған режимде мүгедектік тобын белгілеуді жүргізу тәртібі түсіндірілді.
Заңды өкілдері тұрғылықты (тіркелген) жері бойынша МӘС аумақтық бөліміне мүгедектік тобының белгіленгенін растау үшін жүгінген кезде бұрын берілген қолданыстағы мүгедектік туралы анықтамада "түзетілгеніне сену" деген сөздермен және МӘС бөлімінің мөрімен расталған белгіленген мүгедектік тобы туралы жазба жасалады. Мүгедектік туралы растауды Е-gov қосымшасында онлайн алуға болады.
Шығарылған сырттай шешіммен келіспеген жағдайда мүгедек баланы медициналық-әлеуметтік сараптама жүргізу қағидаларына сәйкес мүгедектік тобын анықтау мақсатында жетіден он алты жасқа дейін мерзімінен бұрын қайта куәландыру жүргізіледі.
Қойылған сұрақтарға жауаптар берілді.