Мүгедектігі бар адамдардың жеке оңалту бағдарламасының әзірлеу тәртібі

Мүгедектікті белгілеу және куәландырылатын адамның  әлеуметтік қорғау шараларына қажеттілігін айқындау Еңбек және халықты әлеуметтік қорғау министрінің 2023 жылғы 29 маусымдағы №260 бұйрығымен бекітілген «Медициналық-әлеуметтік сараптама жүргізу қағидаларына» сәйкес жүзеге асырылады.

           Мүгедектігі бар адамды абилитациялаудың және оңалтудың жеке бағдарламасы (бұдан әрі – ОЖБ) – мүгедектігі бар адамды абилитациядан және оңалтудан өткізудің нақты көлемін, түрлері мен мерзімдерін оның жеке қажеттіліктері негізінде белгілейтін құжат.  

            Оңалтудың жеке бағдарламасына:

- медициналық оңалту;

-әлеуметтік оңалту;

-кәсіптік оңалту шаралары енгізіледі.

             ОЖБ-ның медициналық бөлігін Медициналық ұйымның мультидисциплинарлық топ Медициналық оңалту көрсету қағидаларына және диагностика, емдеу және оңалтудың клиникалық хаттамаларына сәйкес әзірлейді, ДКК төрағасының ЭЦҚ-сымен куәландырылады.

             Жүргізілген оңалту-сараптама диагностикасының нәтижелеріне және мүгедектігі бар адамның оңалту іс-шараларын жүргізуге қажеттілігіне қарай, № 031/е нысанда көрсетілген оңалту іс-шараларының жоспарын ескере отырып МӘС бөлімшесі:

1) ОЖБ-ның әлеуметтік бөлігін:

2) мүгедектігі бар адамның еңбек және кəсіби қызметін ескере отырып, ОЖБ-ның кәсіптік бөлігін әзірлейді.

 «Мүгедектігі бар адамды абилитациялаудың және оңалтудың жеке бағдарламасына сәйкес мүгедектігі бар адамдарды протездік-ортопедиялық көмекпен, техникалық көмекші (компенсаторлық) құралдармен, арнаулы жүріп-тұру құралдарымен, оларды ауыстыру мерзімдерін қоса алғанда, қамтамасыз ету қағидалары» Еңбек және халықты әлеуметтік қорғау министрінің 2023 жылғы 30 маусымдағы №287 бұйрығымен протездік-ортопедиялық,  техникалық көмекші (орнын толтырушы) құралдарды және арнаулы жүріп- тұру құралдарын беруге медициналық-әлеуметтік көрсетілімдер мен қарсы көрсетілімдер негізінде ОЖБ-ның әлеуметтік бөлігін, мүгедектігі бар адамның еңбек және кәсіби қызметін ескере отырып, ОЖБ-ның кәсіптік бөлігін әзірлейді.

            Куәландырылған адамға немесе оның заңды өкіліне  ОЖБ-ның әлеуметтік және кәсіптік бөілігін әзірлеген кезде  - мүгедектігі бар адамды абилитациялаудың және оңалтудың жеке бағдарламасымың  әлеуметтік және кәсіптік бөлігінен үзінді көшірмелер беріледі. 

ОЖБ-ның әлеуметтік бөлігі есепке алу және ұсынылған оңалту іс-шараларын кейіннен орындау үшін автоматтандырылған режимде «Е-собес» ААЖ-ға, ОЖБ-ның кәсіптік бөлігі «Еңбек нарығы» ААЖ-ға келіп түседі.

 

Байтуған Алтынай

№3 медициналық-әлеуметтік

сараптама бөлімінің бас маманы