Ашық есік күні

26.11.2021 жылы Ашық есік күнін өткізу шеңберінде Департамент қызметкерлері мүгедек азаматтардың құқықтарын қамтамасыз етуге және өмір сүру сапасын жақсартуға бағытталған заңнамаға енгізілген өзгерістер бойынша "Үміт - Надежда" тірек-қимыл аппараты бұзылған мүгедек азаматтарды қолдау қоғамының мүгедек адамдар мен олардың отбасылары үшін кездесу өткізді.

Жаңа енгізіліммен 7 жастан 16 жасқа дейінгі балаларды баланың денсаулығының бұзылу және тыныс-тіршілігінің шектелу дәрежесін ескере отырып, мүгедектік топтары бойынша (бұрын мүгедек бала болған) бөлу, МӘС жүргізуді сырттай куәландыруды енгізу, мүгедектігі бойынша және асыраушысынан айырылу жағдайы бойынша бір мезгілде жәрдемақы алу құқығын беру, мүгедектіктің себебіне қарамастан, I топтағы мүгедектігі бар адамдарға күтімді жүзеге асыратын азаматтарға жәрдемақы енгізу көзделген.

Кездесу барысында: онлайн қайта куәландыру, жәрдемақы тағайындау, нысандардың қолжетімділігі, санаторлық-курорттық емдеу, оңалтудың жеке бағдарламасын әзірлеу туралы түрлі сұрақтар қойылды. Барлық сұрақтарға өтініш білдірген азаматтарға толық жауаптар берілді, кейбір ұсыныстар одан әрі жұмыс істеу үшін бақылауға алынды.

Департамент "Халық үніне құлақ асатын мемлекет" аясында халықпен кері байланыс орнату үшін осындай кездесулер өткізуді жалғастырады.