Кадр сағаты

21.09.2021 жылы Ә.Р. Айтуарова Қостанай облысының мемлекеттік ұйымдарының кадр қызметі өкілдерінің қатысуымен Мемлекеттік қызмет департаменті дәстүр бойынша ұйымдастырған "Кадр сағаты" шарасына қатысты. Кеңес барысында келесі мәселелер талқыланды: мемлекеттік қызметтегі таза ауысымдылық, сондай-ақ 2021 жылы Президенттік жастар кадр резервіне іріктеудің негізгі мәселелері .

Негізгі талаптар, бұрынғыдай, азаматтығы, жасы, білімі және жұмыс өтілі.

Конкурсқа қатысуға 35 жастан аспаған, жоғары білімі және кемінде бес жыл еңбек өтілі бар Қазақстан Республикасының азаматтары жіберіледі.

Қазіргі іріктеудің жаңалығы үміткерлерге мемлекеттік тілді меңгеру деңгейін растау қажет болып табылады. Ол Ұлттық стандарттарға сәйкес орташа деңгейден (В1) төмен болмауы керек.

Сонымен қатар, алдыңғы іріктеуден айырмашылығы, жалдау процесі талап етілетін білімді, дағдыларды анықтауға ғана емес, сонымен қатар кандидаттардың шынайы мотивтері мен олардың құндылық бағдарларын бағалауға бағытталған.

Осыған байланысты, іріктеу кезеңдеріне ахуалдық міндеттерді шешу (эссе жазу және жобаны таныстыру орнына) және құрылымдалған мінез-құлық сұхбаты (құзыреттілікті бағалау жұмысы шеңберінде) сияқты бағалаудың жаңа құралдары енгізіледі.

Өз кезегінде, резервке іріктеуге қатысуға Қазақстан Республикасының Президенті тағайындаған адамдар, саяси қызметшілер, "А" корпусының мемлекеттік әкімшілік қызметшілері, Президенттік жастар кадр резервіндегі адамдар жіберілмейді.

Президенттік резервтен тағайындау саяси мемлекеттік лауазымдарға, "А" корпусының мемлекеттік әкімшілік лауазымдарына және "Б"корпусының басшы лауазымдарына көзделеді.

Резервте болу мерзімі 3 жылды құрайды.

Кадр сағаты диалог форматында өтті, кездесу барысында туындаған барлық сұрақтарға құзыретті жауаптар берілді.