Мемлекеттік қызметшілерге сыйлықтар беруге және алуға тыйым салу: заңға енгізілген түзетулер департамент қызметкерлеріне түсіндірілді.

2020 жылдың 30 қарашасында Департамент қызметкерлерінің қатысуымен «ҚР мемлекеттік қызметі туралы» және «Сыбайлас жемқорлыққа қарсы іс-қимыл туралы» Заңдарға енгізілген мемлекеттік қызметшілерге қатысты түзетулерді түсіндіру бойынша семинар өтті.

"Қазір заңмен мемлекеттік қызметшілерге және сыбайлас жемқорлыққа қарсы шектеулерді қабылдайтын өзге де адамдарға рұқсат етілген сыйлықтың құны алынып тасталды. Мемлекеттік қызметшіге және оның отбасы мүшелеріне келіп түскен барлық сыйлықтар, тіпті олар білмей келіп түскен сыйлықтарды қоса алғанда, жеті күнтізбелік күн ішінде Меммүлікті басқарушы органға берілуге тиіс. Бұл сыйлықтарды белгіленген тәртіпте сатып алу мүмкіндігі сақталады", - деді семинар барысында мемлекеттік қызмет істері агенттігі департаментінің мемлекеттік қызмет саласындағы бақылау басқармасының бас маманы Рашид ЕСЛАМОВ. Мереке қарсаңында мемлекеттік қызметшілерге мемлекеттік қызметшілер мүлтіксіз сақтауы тиіс шектеулер туралы тағы да еске салу ешқашан артық болмайды.