Қостанай мәслихатында әлеуметтік қорғау және мүгедектікті белгілеу мәселелері бойынша түсініктемелер

2026 жылғы 30 шілдеде Департамент басшысы А.Е. Мекебаева Қостанай қалалық мәслихатының әлеуметтік мәселелер, отбасылық-демографиялық саясат және қоғамдық бірлестіктермен өзара іс-қимыл жөніндегі тұрақты комиссиясының мүшелерімен түсіндіру кездесуін өткізді.

Кездесу барысында мүгедектікті белгілеу тәртібі мен критерийлері, сондай-ақ халықты әлеуметтік қорғау саласындағы өзгерістер мен жүргізіліп жатқан реформалар мәселелері қаралды. Медициналық-әлеуметтік сараптама жүргізу және Мемлекеттік қызмет көрсету жүйесін жетілдіру мәселелеріне ерекше назар аударылды.

Кездесуге қатысушылар өзекті мәселелерді талқылап, әлеуметтік қорғау саласындағы қолданыстағы заңнаманы қолдану бойынша түсініктемелер алды.