Жамбыл аудандық орталық ауруханасында медициналық-әлеуметтік сараптама мәселелері бойынша кеңес өткізілді

Халықты әлеуметтік қорғау саласындағы реттеу және бақылау комитетінің Алматы облысы бойынша департаментінің №4 медициналық-әлеуметтік сараптама бөлімінің басшысы Перизат Каержанқызы Чиналиева Жамбыл аудандық орталық ауруханасының дәрігерлерімен кеңес өткізді.

Кеңес барысында 2026 жылдың 8 айының қорытындысы бойынша  медициналық-әлеуметтік сараптамаға (МӘС) жолдамаларды рәсімдеу сапасын арттыру, оңалтудың техникалық құралдарын дұрыс таңдау және сыбайлас жемқорлық тәуекелдерінің алдын алу мәселелері талқыланды.

Атап айтқанда, МӘС-ке негізсіз немесе сапасыз рәсімделген жолдамаларға талдау жүргізіліп, медициналық құжаттаманың толықтығы мен дұрыстығын қамтамасыз ету мәселелеріне назар аударылды.

Сондай-ақ пациенттің медициналық көрсетілімдері мен қарсы көрсетілімдерін және жеке қажеттіліктерін ескере отырып, оңалтудың техникалық құралдарын дұрыс таңдау қажеттілігі түсіндірілді.

Кездесу барысында сыбайлас жемқорлық тәуекелдерінің алдын алу, қызметтік міндеттерді орындау кезінде заңдылық, ашықтық және адалдық қағидаттарын сақтау мәселелерінің маңыздылығы атап өтілді.

Кеңес қорытындысы бойынша медициналық-әлеуметтік қызметтердің сапасын арттыру және азаматтардың құқықтарын қорғау мақсатында дәрігерлік-консультациялық комиссиямен жұмысты одан әрі күшейту қажеттілігі айтылды.

Басты мақсат – халыққа сапалы, қолжетімді және ашық медициналық-әлеуметтік қызмет көрсетуді қамтамасыз ету.