Желтоқсан құрбандарына арналған әлеуметтік төлем

1986 жылғы 17-18 желтоқсандағы Қазақстандағы оқиғаларға қатысқаны үшін қуғын-сүргінге ұшыраған Қазақстан Республикасының азаматтары, оларға қатысты қылмыстық істерді қайта қараудың қолданыстағы тәртібі сақталатын осы оқиғаларда қасақана кісі өлтіргені және милиция қызметкерінің, халық жасағының өміріне қол сұғғаны үшін сотталған адамдарды қоспағанда, кейіннен мемлекеттік әлеуметтік қолдау шеңберінде "Жаппай саяси қуғын-сүргін құрбандарын оңалту туралы" 1993 жылғы 14 сәуірдегі Қазақстан Республикасының Заңына сәйкес ақталғандардың Қазақстан Республикасының әлеуметтік кодексіне сәйкес басқа да жеңілдіктермен қатар мүгедектігі бар немесе зейнеткер болып табылатын 1,23 АЕК мөлшерінде ай сайынғы арнаулы мемлекеттік жәрдемақылар тағайындауға құқығы бар..

         Адамды оңалту деп соттың оған қатысты ақтау үкімін шығаруы не анықтау, тергеу органының, прокурордың қылмыс оқиғасының болмауына, қылмыс құрамының болмауына немесе адамның қылмыс жасауға қатысуының дәлелденбеуіне байланысты қылмыстық істі тоқтату туралы қаулы шығаруы деп түсіну керек. Өзге жағдайда прокуратураның қорытындысы, оның негізінде "жаппай саяси қуғын-сүргін құрбандарын оңалту туралы"ҚР Заңына сәйкес оңалту туралы анықтама беріледі.

         Жоғарыда аталған жәрдемақыны тағайындау үшін прокуратура органдары берген оңалту туралы анықтаманы немесе "жаппай саяси қуғын-сүргін құрбандарын оңалту туралы"Заңға сәйкес адамды ақталды деп тану туралы сот шешімін ұсыну қажет.