Мемлекеттік әлеуметтік сақтандыру қорынан төленетін әлеуметтік төлемдер түрлері

 Мемлекеттік әлеуметтік сақтандыру қорынан (МӘСҚ) мынадай төлем түрлері жүргізіледі: еңбекке қабілеттілігінен айырылу бойынша, асыраушысынан айырылу жағдайы бойынша, жүктілік және босану бойынша, бір жарым жасқа дейінгі бала күтімі бойынша әлеуметтік төлемдер, сондай-ақ бала туған кезде және бала асырап алған кездегі біржолғы төлемдер. Сонымен қатар,  уақытша еңбекке жарамсыздық және жұмыссыздық бойынша жәрдемақы төленеді.

 

Төлем түрлері  туралы толығырақ:

Еңбекке қабілеттілігінен айырылу бойынша:

Медициналық-әлеуметтік сараптамада белгіленген мүгедектік басталған кезде төленеді және еңбек ету қабілетінен айырылу дәрежесіне байланысты болады.

Асыраушысынан айырылу жағдайы бойынша:

Оның асырауындағы қайтыс болған адамның отбасы мүшелеріне тағайындалады.

Жүктілікке және босануға, жаңа туған баланы (балаларды) асырап алуға байланысты кірісінен айырылу жағдайы бойынша:

Әйелдерге декреттік демалысқа байланысты төленеді.

Бала бір жарым жасқа толғанға дейін оның күтіміне байланысты кірісінен айырылу жағдайы бойынша:

Ата-аналардың біріне (қамқоршыларына) бала бір жарым жасқа толғанға дейін оған күтім жасау кезеңіне тағайындалады.

Жаңа туған баланы асырап алған кезде асырап алушыларға төленеді.

Уақытша еңбекке жарамсыздық бойынша:

Еңбекке жарамсыздықтың 4-ші күнінен  бастап ауру немесе жарақат үшін төленеді.

Төлемдер мөлшері, әдетте әлеуметтік аударымдар жасалған орташа айлық табысқа, сондай-ақ әлеуметтік сақтандыру жүйесіне қатысу өтіліне байланысты. Жыл сайын төлем мөлшері инфляция деңгейіне көтеріледі.