Қарағанды қаласында «Уақыт» қоғамдық бірлестігінің есептік жиналысы өтті

Қарағанды облысының Кәсіподақтар үйінде 2024 жылғы жұмыс қорытындысы бойынша «Уақыт» мүгедектігі бар шахтёрлердің қоғамдық бірлестігінің есептік жиналысы өтті.

Іс-шараға Қазақстан Республикасы Еңбек және халықты әлеуметтік қорғау министрлігінің, салалық кәсіподақтардың өкілдері, сондай-ақ Қазақстан Республикасы Парламенті Мәжілісінің депутаттары қатысты.

Жиналысқа сондай-ақ  Халықты әлеуметтік қорғау саласындағы реттеу және бақылау комитетінің Қарағанды облысы бойынша департаментінің басшысы Нуркен Аманбайулы Блялов қатысты.

Кездесу барысында қоғамдық бірлестіктің қызметіне, мүгедектігі бар адамдардың (регресшілердің) әлеуметтік қолдау мәселелеріне, сондай-ақ мемлекеттік органдармен өзара ынтымақтастыққа қатысты өзекті мәселелер қаралды.

Қазіргі уақытта аталған санаттағы мүшелердің саны 2922 адамды құрайды, олардың басым бөлігі бұрын «QARMET» АҚ кәсіпорындарында еңбек еткен.

Қазақстан Республикасы Еңбек және халықты әлеуметтік қорғау министрлігі, кәсіподақ ұйымдары мен қоғамдық бірлестіктер арасындағы диалог тұрақты негізде жүргізілуде.