Ағымдағы жылдың 28 сәуірі күні Еңбек, әлеуметтік қорғау және көші-қон комитетінің Атырау облысы бойынша департаменті басшысының МӘС сұрақтары жөніндегі орынбасары Г.Т.Досымова және медициналық-әлеуметтік сараптама әдіснама және бақылау бөлімінің басшысы Э.И.Гречаник медициналық ұйымдардың ДКК мүшелерімен онлайн режимде жиналыс өткізді. Жиналыста мынадай ақпараттар ұсынып, өзекті мәселелерге тоқталды:
-Медициналық-әлеуметтік сараптамадағы өзекті мәселелер;
-МӘС-ке 031/е, 033/е нысандарына жолдаманы сапалы толтыру;
-Мүгедектігі бар адамдарды сырттай куәландырудан өткізу;
Медициналық-әлеуметтік сараптамаға негізсіз жолданып отырған жолдамалар талданды. «Мүгедектікті және/немесе еңбек ету қабілетінен айырылу дәрежесін белгілеу және/немесе қажетті әлеуметтік қорғау шараларын айқындау» проактивті сырттай форматта белгілеуде мемлекеттік қызмет көрсетудің өз уақытында және сапасын жақсарту үшін осы бағыттағы жұмыстарды күшейту және жандандыру ұсынылды. Семинар барысында дәрігер-мамандар тарапынан қойылған сұрақтарға жауаптар берілді.