Қазақстан Республикасы азаматтарының шетелге тұрақты тұруға шығуы кезіндегі зейнетақымен қамсыздандырылуы
Қазақстан Республикасынан тыс жерге тұрақты тұруға шығу кезінде зейнетақымен қамсыздандырылу құқығы туралы азаматтар нені білуі қажет?
Қазақстан Республикасының Әлеуметтік кодексіне енгізілген өзгерістерге байланысты Қазақстан Республикасынан тыс жерде тұрақты тұратын азаматтарды зейнетақымен қамсыздандыру мәселелері ерекше өзекті болып отыр.
1-сұрақ. Қазақстан Республикасының азаматы шетелде тұрған кезде Қазақстанда зейнетақымен қамсыздандырылуға құқылы ма?
Жауап: Иә. Заңнамаға енгізілген өзгерістерге сәйкес мемлекеттік базалық зейнетақы төлемін және жасына байланысты зейнетақы төлемін тағайындауға және алуға құқығын іске асыру кезінде Қазақстан Республикасы азаматына Қазақстан Республикасының аумағында тұрақты тұру талабы қойылмайды.
Бұл ретте азамат аталған төлемдерді тағайындау үшін заңнамада белгіленген өзге де барлық талаптарға сәйкес келуі тиіс.
2-сұрақ. 2026 жылы заңнамада қандай өзгерістер енгізілді?
Жауап: Қазақстан Республикасының 2026 жылғы 11 маусымдағы № 306-VIII Заңымен Қазақстан Республикасы Әлеуметтік кодексінің 196-бабына Қазақстан Республикасы Конституциялық Сотының құқықтық ұстанымдарын ескере отырып, өзгерістер мен толықтырулар енгізілді.
3-сұрақ. Шетелге тұрақты тұруға шығуды жоспарлап отырған азамат нені ескеруі қажет?
Жауап: Азаматқа алдын ала мына мәселелерді нақтылау ұсынылады:
- тиісті зейнетақы төлемін тағайындауға құқығын;
- зейнетақы төлемін тағайындау шарттарын;
- қажетті құжаттардың тізбесін;
- зейнетақы төлемін тағайындау үшін өтініш беру тәртібін.
Маңызды
Қазақстан Республикасы азаматының шетелге тұрақты тұруға шығуы өздігінен оның зейнетақымен қамсыздандырылу құқығының жоқ екенін білдірмейді.