Инсульттен кейінгі мүгедектік (ОНМК): неге бұл маңызды?

Мидың қан айналымының жедел бұзылысы (инсульт) – еңбекке қабілеттіліктің тұрақты жоғалуының негізгі себептерінің бірі. Көп жағдайда бұл тек емдеуді ғана емес, ұзақ мерзімді оңалтуды, әлеуметтік қолдауды және отбасының қатысуын талап етеді.

🔍 Әлеуметтік маңыздылығы неде?

▪️ Мүгедектік деңгейінің жоғары болуы
Қазақстанда инсульт алған науқастардың 80%-ға жуығы мүгедектікке ұшырайды.

▪️ Салдарының ауырлығы
ОНМК келесі бұзылыстарға әкелуі мүмкін:
— қозғалыс қызметінің бұзылуы
— өз-өзіне қызмет ету қабілетінің төмендеуі
— когнитивтік және сөйлеу бұзылыстары
— психоэмоционалдық өзгерістер

▪️ Тұрақты күтім қажеттілігі
Науқастардың 20–30%-ы тұрақты күтімді қажет етеді, бұл отбасы өміріне айтарлықтай әсер етеді.

▪️ Оңалту және әлеуметтік қорғау
Маңызды кезең – медициналық-әлеуметтік сараптамадан (МӘС) уақытылы өту. Бұл еңбекке қабілеттілікті бағалауға және әлеуметтік қолдау алуға мүмкіндік береді.

📄 МӘС-ке қашан жолданады?

Жолдаманы медициналық ұйымның дәрігерлік-консультациялық комиссиясы (ДКК) береді:

✔️ алғашқы сараптама – ағза функциялары тұрақты бұзылған кезде
✔️ қайта сараптама – денсаулық жағдайы өзгерген жағдайда

⏳ Жолдау мерзімдері:
— ауру басталғаннан кейін кемінде 4 ай өткен соң (тұрақты бұзылыстар болса)
— жағдайы нашарлаған кезде – кемінде 2 айдан кейін

❗ Ерекше жағдайларда (қайтымсыз ауыр жағдайлар, оңалту мүмкіндігі жоқ науқастар) ертерек жолдауға болады.

📅 Маңызды ақпарат
2026 жылғы 10 сәуірде МӘС №3 бөлімі №36 қалалық емхананың дәрігерлері және ДКК мүшелерімен өндірістік кеңес өткізіп, инсульттен кейінгі функционалдық бұзылыстарды бағалау және науқастарды уақытылы сараптамаға жолдау мәселелерін талқылады.

🤝 Біздің мақсатымыз – науқастардың өмір сапасын жақсарту, дер кезінде көмек көрсету және тиімді оңалту ұйымдастыру.

#МӘС #Инсульт #ОНМК #Оңалту #ДенсаулықСақтау #Қазақстан #ӘлеуметтікҚолдау