Әлеуметтік қолдау — тікелей адамдарға: «Stynergy» ЖШС-де түсіндіру кездесуі өтті

Департамент қаладағы еңбек ұжымдарымен ақпараттық-түсіндіру жұмыстарын жалғастыруда. Кезекті кездесу «Stynergy» ЖШС-де өтті. Зейнетақы және әлеуметтік қамсыздандыру бөлімінің №2 басшысы К.К.Бимұрзаева кәсіпорын қызметкерлеріне консультация жүргізді.

Кездесу барысында қатысушыларға егжей-тегжейлі түсіндірілді:

• Департаменттің қызмет бағыттары;
• әлеуметтік қорғау саласындағы мемлекеттік қызметтер;
• зейнетақыларды, мемлекеттік жәрдемақыларды және әлеуметтік төлемдерді тағайындау тәртібі;
• қажетті құжаттар мен заңнама талаптары.

Компания қызметкерлері өздерін қызықтырған сұрақтарды қойып, зейнетақы және әлеуметтік қамсыздандыру мәселелері бойынша практикалық түсіндірмелер алды.

Сыбайлас жемқорлыққа қарсы іс-қимыл мәселелеріне де ерекше назар аударылды. Қатысушыларға мемлекеттік қызметшілер қызметінің ашықтығын қамтамасыз ету, азаматтардың құқықтарын қорғау және мемлекеттік қызмет көрсету сапасын арттыру шаралары түсіндірілді.

Сондай-ақ Мемлекет басшысының тапсырмасын іске асыру аясында «Әйелге құрмет — қоғам дамуының көрсеткіші» ұранымен профилактикалық әңгіме өткізілді. Қатысушыларға қыз алып қашу, мәжбүрлі неке, сталкинг және әйелдерге қатысты кез келген зорлық-зомбылық түрлері жол берілмейтіні, заңнамаға қайшы келетіні және ұлттық дәстүрлерге қатысы жоқ екені түсіндірілді. #Qurmet

Мұндай кездесулер халықтың құқықтық сауаттылығын арттыруға және әрбір азамат үшін әлеуметтік қолдаудың қолжетімділігін қамтамасыз етуге бағытталған.