Инвалидтықты және еңбекке жарамсыздық дәрежесін анықтау бойынша мемлекеттік қызмет көрсету ерекше механизмін енгізу жөніндегі пилоттық жобаны іске асыру

Инвалидтықты және еңбекке жарамсыздық дәрежесін анықтау бойынша мемлекеттік қызмет көрсету ерекше механизмін енгізу жөніндегі пилоттық жобаны іске асыру

ҚР Денсаулық сақтау министрлігі, ҚР Цифрлық даму, инновациялар және аэроғарыш өнеркәсібі министрлігі және ҚР Еңбек және халықты әлеуметтік қорғау министрлігінің «Сырттай проактивті форматта жекелеген нозологиялық нысандар бойынша «Мүгедектікті және/немесе еңбек ету қабілетінен айырылу дәрежесін белгілеу және/немесе қажетті әлеуметтік қорғау шараларын айқындау» мемлекеттік қызметін көрсетудің ерекше тетігін енгізу бойынша пилоттық жобаны іске қосу туралы бірлескен бұйрығы 29.06.2025ж іске қосылды. Бұл бұйрықта жекелеген нозологиялық нысандар тізбесі және № 031/е нысанын толтыру үшін міндетті зерттеп-қараулар мен объективті деректердің тізбесі көрсетілген.

Пилоттық жобаны іске асыру кезінде мемлекеттік органдар мен ұйымдардың өзара іс-қимыл алгоритмі:

1. Пациенттің тіркелген жері бойынша медициналық ұйымның емдеуші дәрігері жарақаттардың және кемістіктердің салдарынан, аурулар әсерінен тыныс-тіршілігінің шектелуіне әкелетін ағза функцияларының тұрақты бұзылулары болған кезде деректерді тексеріп, №031/е нысанын қалыптастырады. Осы Алгоритмнің 1-қосымшасына сәйкес пилоттық жоба жүргізілетін жекелеген нозологиялық нысандар тізбесіне кіретін жағдайлар бойынша №031/е нысанын қалыптастырған кезде, деректер Алгоритмнің 2-қосымшасына сәйкес міндетті зерттеп-қарау және объективті деректер тізбесіне сәйкес міндетті түрде көрсетіледі.

2. Жекелеген нозологиялық нысандарына сәйкес №031/е нысанында міндетті зерттеп-қарау және/немесе объективті деректер болмаған кезде МАЖ-да қате көрсетіліп, ДКК төрағасының ЭЦҚ-мен бекітілуі мүмкіндігі алынып тасталады.

3. №031/е нысаны медициналық ұйымның ДКК төрағасының ЭЦҚ-сымен бекітілгеннен кейін автоматтандырылған режимде МАЖ-дан ҚР ДСМ АЖ-ға, одан әрі «электрондық үкімет» шлюзі арқылы МОБД ААЖ-ға жіберіледі.

4. «МОДБ» ААЖ-да МӘС актісінің электронды жобасының қалыптастырылуы МӘС қағидаларына сәйкес жүргізіледі.

МӘС актісінің жобасы сырттай проактивті куәландыруға қатысатын сарапшылар тізіліміндегі бір эксаумақтық сарапшы-МӘС бөлімінің басшысына күту парағынан автоматтандырылған режимде таратылады. МӘС қағидаларына сәйкес МӘС жүргізіледі.

5. МӘС сарапшысы келіп түскен құжаттарды МӘС актісінің жобасының нөмірі түскен күннен бастап 1 (бір) жұмыс күні ішінде қарайды және сараптама қорытындысын шығарады.

6. Сараптамалық қорытынды МӘС сарапшының ЭЦҚ-сымен қол қойылғаннан кейін, «МОДБ» ААЖ-дағы «Тіркелген МӘС актілерінің тізілімі» модуліне түседі.

7. МӘС актісі куәландырушы адамның тұрақты тіркелген жері бойынша автоматтандырылған режимде:

1) медициналық ұйымға - №031/е нысандағы «МӘС-тің сараптамалық қорытындысы туралы хабарлама»;

2) көрсетілетін қызметті алушыға (оның өкіліне) - қабылданған сараптамалық қорытынды мен мемлекеттік қызмет көрсету нәтижелерін электрондық үкімет» www.egov.kz. веб-порталынан алу мүмкіндігі туралы sms-хабарлама жіберіледі.

Мемлекеттік қызметтердің сапасын арттыру мақсатында 11.12.2025ж Алматы.қ бойынша Халықты әлеуметтік қорғау саласындағы реттеу және бақылау комитеті департаментінің №2 МӘС бөлімі ДКК төрағаларымен семинар- кеңес өткізді. Қорытынды: сырттай проактивті форматта жекелеген нозологиялық нысандар бойынша жұмысты күшейту, тұрақты мониторнг жүргізу, уақытылы және сапалы жолдама толтыруды қамтамассыз ету, жолдамалар мен қорытынды беретін медициналық қызметкерлерді оқытуды ұйымдастыру.