Мемлекет басшысы 2026 жылғы 9 ақпандағы №261-VIII «Қазақстан Республикасы Үкіметі мен Моңғолия Үкіметі арасындағы зейнетақы саласындағы ынтымақтастық туралы келісімді ратификациялау туралы» Қазақстан Республикасының Заңына қол қойды.

Қазақстан Республикасы Үкіметі мен Моңғолия Үкіметі арасындағы келісім 2024 жылғы 29 қазанда Ұлан-Батыр қаласында қол қойылып, жеке тұлғаларға зейнетақы тағайындау және төлеу саласындағы құқықтық қатынастарды реттеуге бағытталған.

Келісімде бірнеше тармақ қарастырылған, соның бірі:

мемлекет аумағында әскери қызмет өткеру және жоғары және (немесе) жоғары оқу орнынан кейінгі, сондай-ақ орта арнаулы білім алу кезеңдерін еңбек (сақтандыру) өтіліне есептеуді өзара тану.

Аталған келісім 2026 жылғы 1 сәуірден бастап заңды күшіне енеді.

Егер әскери билеті (қызмет өткергенін растайтын) және дипломы бар алушылар болса (құжаттар міндетті түрде елшіліктен заңдастырылған болуы қажет), тіркелген мекенжайы бойынша ХҚКО-ға жүгіне алады.