«Ауданаралық ауруханасы» ШЖҚ КМК және Мақаншы ауданының «Аудандық ауруханасы» ШЖҚ КМК (Абай облысы Денсаулық сақтау басқармасы) Абай облысы бойынша №1 медициналық әлеуметтік сараптама бөлімі бірлесіп, семинар-кеңес өткізді

«Ауданаралық ауруханасы» ШЖҚ КМК және Мақаншы ауданының «Аудандық ауруханасы» ШЖҚ КМК (Абай облысы Денсаулық сақтау басқармасы) Абай облысы бойынша №1 медициналық әлеуметтік сараптама бөлімі бірлесіп, семинар-кеңес өткізді

2026 жылғы 07–10 сәуір аралығында Үржар ауданына іссапар барысында 09 сәуір күні №1 МӘС бөлімі Үржар ауданының «Ауданаралық ауруханасы» ШЖҚ КМК және Мақаншы ауданының «Аудандық ауруханасы» ШЖҚ КМК (Абай облысы Денсаулық сақтау басқармасы) медициналық ұйымдарының ВКК төрағалары, ЖТД дәрігерлері және бейінді мамандарымен бірлескен кеңес өткізді. Кеңесте келесі мәселелер қаралды:

  1. Кеңес барысында Қазақстан Республикасы Еңбек және халықты әлеуметтік қорғау министрлігінің Халықты әлеуметтік қорғау саласындағы реттеу және бақылау комитеті төрағасы И.Скубтың 2026 жылғы 27.03.2026 жылғы хаттамалық тапсырмасына сәйкес №1 МӘС бөлімінің басшысы Еремина Л.Ю. кеңес қатысушыларына медициналық-әлеуметтік сараптамаға жолдама қорытындысын сапалы толтыру бойынша түсіндіру жұмыстарын жүргізді. Сондай-ақ, сырттай проактивті куәландыру жүргізілетін нозологиялық нысандар тізбесі талқыланып, азаматтарды медициналық-әлеуметтік сараптамаға жолдаудың негізділігіне қатысты МӘС-тің негізгі мәселелері қарастырылды.
  2. 2026 жылдың 1-тоқсаны бойынша №1 МӘС бөлімінің сараптамалық жұмысына талдау жүргізілді:

2026 жылдың 1-тоқсанында Үржар ауданында барлығы 154 адам куәландырылды, оның ішінде 81 адам – көзбе-көз форматта, 73 адам – сырттай форматта.

2026 жылдың 1-тоқсанында алғаш рет куәландырылғандар саны – 31 адам, оның ішінде 12 адам – көзбе-көз форматта, 19 адам – сырттай форматта, олардың барлығы мүгедек деп танылды. Алғаш рет куәландырылғандар арасында негізсіз және сапасыз қорытындылар тіркелмеген.

Ересек тұрғындар арасында 2026 жылдың 1-тоқсанында алғаш рет мүгедек деп танылғандар – 23 адам.

0-ден 18 жасқа дейінгі балалар арасында – 8 адам.

2026 жылдың 1-тоқсанында Үржар ауданы бойынша жұмыс істейтіндер арасында алғаш рет мүгедек деп танылғандар – 7 адам, жұмыс істемейтіндер – 15 адам, 0-ден 18 жасқа дейінгі балалар – 8 адам.

2026 жылдың 1-тоқсанында Үржар ауданында барлық халық арасында қайта куәландырылғандар саны – 123 адам, оның ішінде 69 адам – күндізгі, 54 адам – сырттай форматта. Оның ішінде ЖБР (жеке бағдарламаны) түзетуге – 9 адам, ЖБР қалыптастыруға – 2 адам. Сырттай куәландыру кезінде №1 нысанның сапасыз толтырылуы 3 адамда анықталып, осы қорытындыларға талдау жүргізілді және №31 нысандарды сапасыз толтырудың алдын алу бойынша қорытындылар жасалды.

  1. №1 МӘС бөлімінің бас маманы Исанова М.Б. нормативтік құқықтық актілерге сәйкес 031/у қорытындысын толтыру кезінде техникалық оңалту құралдарымен қамтамасыз ету, көрсетілімдер мен қарсы көрсетілімдер, сондай-ақ санаторий-курорттық емдеуді тағайындау қағидаларын түсіндірді.
  2.   №1 МӘС бөлімінің бас маманы Мекешева А.М. сыбайлас жемқорлыққа қарсы іс-қимыл шараларын қарастырды.

Семинар-кеңестің соңында қатысушылар тарапынан сұрақтар қойылып, оларға тиісті жауаптар мен түсіндірмелер берілді.