«Жас өрт сөндіруші»: Жаңа буын курсанттары

  Алматы облысында Ұлы Жеңістің 80 жылдығына және облыстың кадет сыныптарының ашылуының 10 жылдығына арналған салтанатты патриоттық іс-шара өтті.

  Кездесу қонақтарды қарсы алудан және тәртіп пен патриотизмнің жоғары деңгейін көрсеткен кадеттің саптық дайындығын көрсетуден басталды.

  Іс-шараға облыстық төтенше жағдайлар департаментінің басшысы, сондай-ақ басқа да күштік құрылымдарының өкілдері қатысты. ТЖД бастығы кадеттермен әңгімелесіп, олардың ынта-жігерін, болашақ жоспарларын және кадет сыныптарында алынған дағдылардың маңыздылығын талқылады.

  Кадет қозғалысының дамуына елеулі үлес қосқан басшылар мен ұстаздарды марапаттау рәсімі өтті. Кадет сыныптарының тарихы 2019 жылдың 1 қыркүйегінде басталды Қазақстан Республикасында алғаш рет Іле ауданы Өтеген Батыр ауылының №7 орта мектебінде «Жас өрт сөндіруші» атты кадет сыныбы ашылды, онда 30 оқушы оқыды. Ашылудың бастамашысы азаматтық қорғау полковнигі Самат Кенжехан болды.

  Қазіргі уақытта Алматы облысында жеті кадет сыныбы жұмыс істейді, онда балалар әскери-патриоттық тәрбие беру және төтенше жағдайлардағы іс-қимылдарға дайындық бағдарламасы бойынша оқиды.

  «Жас өрт сөндіруші» кадеттері — қоғамға қызмет етуге және адамдардың өмірін қорғауға арнаған болашақ құтқарушылар. Олардың басты мақсаты-құтқару дағдыларын игеру және кез келген төтенше жағдайда көмекке келуге әрқашан дайын болу. Жауапкершілікке және патриотизмге тәрбиелеу арқылы Отанның нағыз қорғаушысы етеді», - деді облыс ТЖД бастығының міндетін уақытша атқарушы Даурен Оразбеков.

  

  Іс-шараны бірлік пен жарқын болашаққа деген үміттің символы ретінде ағаш отырғызумен аяқталды. Бұл шара өскелең ұрпақты отансүйгіштік, тәртіптілік және төтенше жағдайлар кезінде әрекет етуге дайын болу рухында тәрбиелеудің маңыздылығын тағы бір дәлелдеді.