Қазақстан ТЖМ «Таза Қазақстан» акциясына қатысуды жалғастыруда
Қазақстан Республикасының Төтенше жағдайлар министрлігі Мемлекет басшысының бастамасымен «Таза Қазақстан» республикалық экологиялық акциясы аясында экологиялық жағдайды жақсартуды және азаматтар үшін қолайлы жағдай жасауды жалғастыруда.
Посмотреть эту публикацию в Instagram
Наурыз айының басынан бастап еліміздің түкпір-түкпірінде ТЖМ құтқарушылары 5000-нан астам қарағай мен шырша көшетін отырғызды.
Ведомстволық объектілердің аумақтарында сенбіліктер тұрақты түрде өткізіліп тұрады. Оның барысында қызметкерлер командалық рухты нығайтып, табиғатқа жауапкершілікпен қарауды қалыптастыра отырып, көгалдандыру және абаттандыру жұмыстарымен айналысады.
Генерал-майор Шыңғыс Әрінов дәстүрлі түрде өңірлерде көшет отырғызуға қатыса отырып, экологиялық бастамалардың маңыздылығын және құтқарушылардың қоршаған ортаны қорғауға қосқан үлесін атап көрсетеді.
«Біз азаматтардың қауіпсіздігін қамтамасыз етіп қана қоймай, табиғатқа қамқорлық жасау мәдениетін дамытуға тырысамыз. Әрбір отырғызылған ағаш - біздің болашаққа қосқан үлесіміз. Мұндай бастамалар экологиялық жағдайды жақсартуға көмектеседі, ұжымды біріктіретін, командалық рухты дамытатын және жалпы жұмыс үшін мақтаныш сезімін тудыратын кеңістік жасайды», — деп министр атап өтті.
«Таза Қазақстан» акциясы ТЖМ барлық бөлімшелерінде жалғасады, экологиялық жағдайды жақсартуға және азаматтар мен қызметкерлер үшін қолайлы орта құруға ықпал етеді.