Адамдарды құтқаруға арналған өмір

  8 наурыз Халықаралық әйелдер күні қарсаңында азаматтық қорғау органдарында қызмет атқаратын әйелдер туралы айтатын боламыз.

  Азаматтық қорғау органдарындағы медбикенің жұмысы тек мамандық емес, ол - кәсіп. Әсіресе, Апаттар медицинасы туралы айтатын болсақ, онда төтенше жағдайлар кезінде қабылданатын әрбір шешім өте маңызды.

  Өз өмірін адамдарды құтқаруға арнаған жандардың бірі – ҚР ТЖМ Апаттар медицинасы орталығының далалық госпиталінің операциялық-таңу бөлімшесінің медбикесі Махжан Ақынжанова.

  Бала кезінен Махжан медбике болуды армандаған. Оның адамдарға көмектесуге деген ұмтылысы есейе келе осы жолды таңдауға септігін тигізді. 2000 жылдан бастап ТЖМ Апаттар медицинасы орталығында жұмыс істейді. Осы жылдар ішінде білім мен қатар батылдықты да қажет ететін бірнеше оқиғаларды басынан өткерді.

  Махжан өз тәжірибесіндегі ең қиын жағдайлардың бірін есіне алады: «Есімде қалған бір оқиға бар, ол жантүршігерлік жол апаты, яғни мотоцикл мен джиппен соқтығысқан. Мотоциклде аяғынан ауыр жарақат алған жүкті әйел отырды. Біз барлық қажетті процедураларды дереу жасадық және оны шұғыл түрде ауруханаға жеткіздік. Жедел жұмыстың арқасында біз оның өмірін сақтап қалдық».

  Адамдарды сыни жағдайларда құтқару тек кәсібилікті ғана емес, сонымен бірге табандылықты да қажет етеді. Апаттар медицинасы орталығының дәрігерлері көбінесе апаттардың эпицентрінде болады. Мұнда сабырлы, сенімді және шешімді болу маңызды.

  «Біздің мамандығымызға батылдық пен күшті мінез қажет. Көбіне қиын жағдайда жұмыс істеуге тура келеді. Бірақ адамдарға көмектесіп жатқаныңды түсіну күш береді», – дейді Махжан.

  Қызмет еткен жылдары Махжан Ақынжанова мамандыққа шынайы берілгендік, мейірімділік пен жанқиярлық қызмет барысында маңызды сәттердің бірі екеніне көзі жетті. Оның мысалы балалық шақтан армандаған мамандық иесі болып, кейін ол арманы өзінің сүйікті ісіне айналуы.