ТЖМ-нің кезекті жеңісі: құтқарушымыз әлем чемпионатының алтынын жеңіп алды

ТЖМ-нің кезекті жеңісі: құтқарушымыз әлем чемпионатының алтынын жеңіп алды

Қырғыз елінің астанасы Бішкек қаласында 25-27 қазан аралығында Әлем чемпионаты өтті. Аталған чемпионатқа 10-нан астам мемлекеттерден 800-ден астам спортшы қатысты.

Халықаралық турнирде Атырау облысы Құрманғазы ауданы №7 Өрт сөндіру бөлімінің бөлімше командирі азаматтық қорғау аға сержанты Ерсейт Бралин 100 кг салмақ дәрежесінде пауэрлифтинг спорт түрінен бақ сынап, Әлем чемпионы атанды.

Ерсейт – бірнеше спорт түрінен Қазақстан Республикасының спорт шебері. Еске сала кетсек, бұған дейін әріптесіміз 2024 жылғы 25-26 мамырда Алматы қаласында 600-ден астам спорт шеберлері қатысқан Азия чемпионатында қола жүлдегер атанған болатын.