Атырау қаласында жаға бекіту жұмыстары қарқынды жүргізілуде
Атырау қаласында Жайық өзенінің деңгейі бүгін, 30 сәуірде 4 сантиметрге көтеріліп, су деңгейінің жалпы көлемі 446 см-ге жетті.
Су басу қаупінің алдын алу мақсатында, Атырау қаласында жаға бекіту жұмыстары қарқынды жүріп жатыр. Бүгінгі күні 113 учаскеде 243,6 шақырым бөгет тұрғызылып, топырақ толтырылған қап төсеу жұмыстары жалғасуда.
Аталған жұмыстарға 5000-нан адам, 550 бірлікке жуық техника жұмылдырылды, қосымша 7 бірлік жүзу құралы, 19 бірлік су сору құрылғысы дайындыққа келтірілді.
Қазіргі уақытта өңірдегі ахуал тұрақты, жіті бақылауда.
Атырау облысы ТЖД
Қоғаммен байланыс тобы