Жетісу облысының ТЖД жер сілкінісіне байланысты жедел штаб жұмыс істейді

2024 жылғы 4 наурыз күні Жетісу облысы ТЖД күштері мен құралдары жоғары дайындық режиміне келтірілді. Әскери бөлімдер тұрақты орналасқан пункттерде орналасқан және ТЖ туындаған оқиға орнына шығуға дайын. Сондай-ақ жедел-құтқару жасағының күштері мен құралдары және кинологиялық есептеулері ТЖ орнына шығуға дайын.

Жетісу облысының ТЖ департаменті дағдарыс жағдайлары басқармасында жедел штаб құрылды. Сондай-ақ, Жетісу облысы ТЖД базасында жедел желі телефоны ұйымдастырылды: 8 (7282)-22-02-18. Халықты хабардар ету үшін ұялы байланыс операторлары арқылы SMS тарату жүзеге асырылды, телеарналар мен радиоарналарды ұстау жүзеге асырылды, сондай-ақ облыс аумағындағы сирено-сөйлеу құрылғылары арқылы халықты хабардар ету жүргізілді.

Сағат 15.00-дегі жағдай бойынша қиратулар, зардап шеккендер туралы мәліметтер түскен жоқ.

Апаттар медицина орталығы филиалдарында дәрілік заттар мен медициналық мақсаттағы бұйымдар қорын құруды қамтамасыз етті. Жедел кезекшілікте филиалдың 3 бригадасы және 2 трассалық медициналық-құтқару пункті бар, филиалдың 3 бірлік санитарлық техникасы және 2 бірлік медициналық-құтқару техникасы бар. АМО жинау сигналы бойынша филиал ғимаратында барлық жеке құрам жиналды.

 

Жетісу облысы ТЖД баспасөз қызметі