Ақтөбелік екі құтқарушы мереке құрметіне марапатталды
25-қазан Республика күніне орай Ақтөбе облысы әкімі Шахаров Асхат Берлешұлы құтқарушылар Амиров Руслан Алибекович «Жауынгерлік ерлігі үшін» медалімен және Саламатов Асан Аманжанұлыны «Ерлігі үшін» медалімен марапатталды.
Амиров Руслан Алибекұлы азаматтық қорғау органдарында 2013 жылдан бастап қызмет атқарады. Ақтөбе облысы ТЖД «Өрт сөндіру және авариялық-құтқару жұмыстары қызметі» ММ Қарғалы ауданындағы №13 өрт сөндіру бөлімі бастығының орынбасары. Қызметін қатардағы өрт сөндіруші болып бастады. Азаматтық қорғау органдарындағы 11 жыл қызметінде бірнеше адамның өмірін сақтап қалды. Ресей Федерациясының Орск қаласында дала өрттерін сөндіру бойынша шекаралық оқу-жаттығуларға қатысты.
Атап айтқанда, 2023 жылғы 19 қаңтарда Қарғалы ауданы, Бадамша ауылында үйлердің бірінде пәтер жанып жатқаны туралы хабарлама келіп түсті. Шақыру орнына келген кезде бес қабатты үйдің 4-қабатындағы ас үйдің қылтимасының жануы орын алды. Жағдайды бағалап, шешуші бағытты анықтай отырып, газ түтіннен қорғау қызмет буынының басында Р.А. Амировтың басшылығымен үйдің кіреберісінен қатты түтіннің салдарынан 7 адам эвакуацияланды, оның ішінде 1 бала. Қысқа уақыт ішінде өрт ошағын тауып, өрттің пәтердің басқа бөлмелерге және үйдің жоғарғы қабатына таралуына жол бермей, өртті оқшаулап тез арада жойды.
2023 жылғы 1 наурызда Қарғалы ауданында облыстық маңызы бар Донской-Бадамша-Ақтөбе-Орск автожолында қар құрсауында автокөліктер тұрып қалғаны туралы хабарлама келіп түсті. Бензин таусылып, көмек қажет болды. Р.Ә. Әміров жедел топтың құрамында шақыру орнына «Трэкол» автокөлігімен барды. Ең қысқа маршрутты анықтай отырып, төмен температурада, қардың түсуі және нөлдік көріну кезінде қоңырау шалу орнына қысқа уақыт ішінде жете алды. Жолда құтқарылғандарға психологиялық көмек көрсетті. Оның кәсіби шеберлігінің арқасында 4 адам құтқарылып, 8 адам эвакуацияланып, адамдар елді мекенге аман-есен жеткізілді.
Саламатов Асан Аманжанұлы Ақтөбе облысы Төтенше жағдайлар департаментінің «Өрт сөндіру және авариялық-құтқару жұмыстары қызметі» ММ №3 өрт сөндіру бөлімінің аға өрт сөндіруші-құтқарушысы. 2016 жылдан бастап Ақтөбе облысы Төтенше жағдайлар департаментінің «Өрт сөндіру және авариялық-құтқару жұмыстары қызметі» ММ қызмет атқарып келеді. Қызмет атқарған уақытында өзін адал, жауапты және бастамашыл қызметкер ретінде жақсы жағынан көрсете білді.
2023 жылғы 15 шілдеде Ақтөбе қаласында орналасқан көп қабатты пәтерде өрт оқиғасы орын алды. Шақыру орнына техника және аға өрт сөндіруші-құтқарушы А. Саламатовпен жеке құрамның 8 адамы жіберілді. Шақыру орнына келгеннен кейін 6-қабаттағы зал ашық жалынмен жанып жатқаны және 6-дан 9-ға дейінгі барлық кіреберістің баспалдақ маршымен қатты түтін таралғаны анықталды.
Шиеленісті жағдайда қарауыл бастығы шешуші бағыттың 1-ші қағидатын анықтап, аға өрт сөндіруші-құтқарушы А.А. Саламатовқа газ түтіннен қорғау қызмет буынын қалыптастыруға, адамдарды құтқару және эвакуациялау бойынша пәтер барлауды жүргізуге бұйрық берді.
Буын командирі А.А. Саламатовтың табандылығы мен кәсібилігінің арқасында 15 адам құтқарылды, оның ішінде 5 бала құтқару құрылғысы (құтқару қалпағы) бар тыныс алу аппаратымен, сондай-ақ баспалдақ маршымен 50 адам, оның ішінде 20 бала эвакуацияланды.
Халықтың қауіпсіздігін қамтамасыз етіп, төтенше жағдайлардың алдын алу және жою біздің басты міндетіміз дейді – құтқарушылар.
Ақтөбе облысы ТЖД
Қоғаммен байланыс тобы