Шығыс Қазақстанда Катонқарағай ауданының тауларындағы өртті сөндіру жұмыстары жалғасуда

Катонқарағай ауданында Берел орманшылығының аумағындағы жартасты, таулы, жетуі қиын жерлердегі өртті сөндіру жалғасуда.

1700 м-ден астам биіктікте шамамен 3 гектар аумақта жартастардағы жекелеген ағаштарды өрт шарпыды. 

Орманшылар мен өрт сөндірушілер атпен және ШҚО әуе бөлімшесінің МИ-8 тікұшағының көмегімен жану орнына жетті.

Қазавиаорманқорғау МИ-2 тікұшағы әуеден жағдайды үнемі қадағалап отырады.

Қорғаныс министрлігінің Ми-171 және ШҚО  әуе бөлімшелерінің МИ-2 тікұшақтары өрт ошақтарына әуеден 19 рет су рет көлемі 50 тоннаға жуық су төкті.

155 орманшы, өрт сөндіруші және жергілікті атқарушы органдар, 13 бірлік техника және 3 тікұшақ сөндіру жұмыстарын жалғастыруда.

 

ШҚО ТЖД баспасөз қызметі