Демалыс күндері Семей қаласында судан 2 адам құтқарылды

2023  жылғы 3 маусымда сағат 11:20-да 112 пультіне Мұрат саяжайынан кейін орналасқан Солнечная долина алқабында ер адам судан құтқарылды деген хабарлама келіп түсті.

Ақпарат жинау барысында 1978 жылы туған ер адам отбасымен Ертіс өзенінің жағалауында демалу кезінде батып бара жатқан адамды көріп, содан кейін дереу көмекке асығып, судан шығарғаны, сондай-ақ мас күйінде болған 1987 жылы туған адамға алғашқы дәрігерге дейінгі көмек көрсеткені анықталды. Жедел медициналық жәрдем дәрігерлері зардап шеккен адамды тексергеннен кейін оны Семей қаласының полиция басқармасының қызметкерлеріне табыс етілді.

Екінші оқиға дәл сол күні Шүлбі кентінде болды. № 6 өрт сөндіру бөлімінің қызметкері Алтынбек Әлімжанов суға батып бара жатқан баланы құтқарды.

Шүлбі кентіндегі «Жанай» демалыс базасында азаматтық қорғау кіші сержанты беседкалардың жанынан өтіп бара жатып, бойын үрей билеп  суға тұншығып батып бара жатқан баланы байқады. Алтынбек ұзақ ойланбастан, көмекке жүгірді. Киімін шешпей баланың артынан суға жүгірді. Баланы жағаға шығарып, оған дәрігерге дейінгі медициналық көмек көрсетті.  Содан кейін бала ата-анасына тапсырылды.  Баланың жағдайы қанағаттанарлық.

Абай облысының ТЖД судағы қауіпсіздік ережелерін сақтауды еске салады, атап айтқанда: 

мас күйінде шомылуға болмайды;

тыйым салынған жерлерде шомылуға болмайды;

балаларды қараусыз қалдырыңыз;

орнатылған буйкалардан алыс жүзбеңіз;

қайықтың бортында және алдыңғы бөлігінде отыруға тыйым салынады;

өзіңізге және жақындарыңызға қамқорлық жасаңыз!

 

Абай облысы ТЖД баспасөз қызметі