Түркістан облысы ТЖ департаментінің «112» құтқару қызметіне 29 мамырда шамамен сағат 23.00-де Түлкібас ауданы Қожаберді ауылының оңтүстік беткейінде турист таулы аймақта өз тобынан қалып қойып, адасып кеткені туралы хабар берген.
Іздестіру-құтқару жұмыстарына Түркістан облысы ТЖ департаментінің жедел-құтқару жасағының құтқару бөлімшесі аталған мекенжайға шығып, 29 мамырда түнгі сағат 01.00-де 1987 жылғы ер азаматты тауып, қауіпсіз жерге шығарды. Туристке медициналық көмек қажет болған жоқ.
Түркістан облысының таулы аймақтарында 2023 жылы бұл бірінші оқиға болып отыр.
Түркістан облысы ТЖ департаменті облыс тұрғындары мен қонақтарын ескертеді!
Есте сақтаңыздар! Тауда қателіктер кешірілмейді! Төтенше жағдайларды алдын алу мақсатында «112» нөміріне хабарласыңыз.
Түркістан облысы ТЖД баспасөз қызметі