Өскемен қаласының құтқарушылары көпқабатты үйдегі өрт кезінде 15 тұрғынды эвакуациялады

Бүгін 2023 жылғы 5 сәуірде Сәтбаев даңғылындағы 10 қабатты тұрғын үйде өрт шықты. ШҚО ТЖД бөлімшелері оқиға орнына келген кезде бірінші қабаттағы пәтер өртеніп, балкон да отқа оранған. Өрттің жоғары температурасынан жоғарыдағы қабатта орналасқан балконның сыртқы қаптамасы зардап шекті. Қауіпсіздік мақсатында құтқарушылар түтін басқан кіреберістен баспалдақ арқылы 15 тұрғынды эвакуациялады, олардың арасында бір бала бар. Эвакуацияланғандардың барлығы «Вахта» автокөлігіне орналастырылды.

Өрт сөндірушілердің үйлесімді әрекеттері арқасында өрт жалпы ауданы 20 шаршы метрде сөндірілді. Қаза болғандар мен зардап шеккендер жоқ.

Өрттің алдын ала себебі - электр жабдықтарын орнату және пайдалану кезінде өрт қауіпсіздігі талаптарын сақтамау.

Өртті сөндіруге жеке құрамнан 21 адам және 7 бірлік техника жұмылдырылды.

ШҚО ТЖД тұрғындардан өрт қауіпсіздігі ережелерін сақтауға кеңес береді:

- үйден шығып бара жатып, электр құрылғыларын желіден ажыратыңыз;

- бұзушылықтарды уақтылы жою және оқшаулаудың көрінетін зақымдануы бар электр сымдарын пайдаланбау;

- бір розеткаға бірнеше қуатты электр тұрмыстық аспаптарды қосу арқылы электр желілерін шамадан тыс жүктемеу;

- зауытта жасалмаған электр сақтандырғыштарды ("жучок"), қолдан жасалған электр жылыту аспаптарын қолдануға болмайды;

- үйде және пәтерде темекі шегуге және ашық отпен абайсыздыққа жол бермеңіз;

- отпен жұмыс істегенде өте сақ болыңыз;

- мүмкіндігінше пәтерде өрт сөндіргіш болуы керек.

Өрт кезінде 101 немесе 112 нөмірлері бойынша дереу хабарлау қажет.

                                                                                               

                                                                                

    ШҚО ТЖД баспасөз қызметі