Көмек көрсетілді: СҚО-да қар құрсауынан әйелдер мен бір бала құтқарылды
15 наурызда түске таман СҚО Уәлиханов ауданы Кішкенекөл ауылының аудан орталығынан 15 шақырым жерде қарлы боранға түскен 2 автокөліктің жолаушыларына қиын болды. Автожолдағы қар кептелісінде олар жедел жәрдемге үміттеніп, дереу 112 телефонына қоңырау шалды. Олардың үміттері ақталды-оқиға орнына аудандық ТЖ бөлімінің, жергілікті атқарушы органдар мен полицияның күштері мен құралдары дереу жіберілді. Степногорск қаласынан Ресей Федерациясының Омбы қаласына ұзақ маршрутпен келе жатып жолдың шетіне шығып кеткен "Фольксваген" шағын автобусының жолаушылары, сонымен қатар "Лада Приора" жеңіл көлігімен келе жатқан Кішкенекөл тұрғындары көмекті ұзақ күткен жоқ. Бірақ бұл минуттар тыныш өткен жоқ – соқыр боран тіпті есікті ашуға мүмкіндік бермеді. Өзін-өзі құтқару өз - өзіне қол жұмсаумен іспеттес болды, себебі адам бағдарын жоғалтып, адасып, көліктен бірнеше қадам жерде қайтыс болған жағдайлар көп болды…
Оқиға орнына келген құтқару тобының мүшелері қиын тапсырмаға тап болғанын түсінді – қар тұтқынынан 8 жолаушыны құтқарып алу керек болды, оның ішінде 1 ер адам, 6 әйел және бір 10 жасар бала. Өтіміділігі жоғары 2 автомобиль, 1 УАЗ машинасы және құтқару керуеніне жарты жолды тазартумен айналысқан жүк тиегіш жұмылдырылды. Көлік құралдары сүйретіліп, 5 сағаттан кейін зардап шеккендер аудан орталығының орта мектебінің базасында орналасқан эвакуациялық пунктке жеткізілді.
"Адамдар мектепке орналастырылды, оларға ыстық тамақ пен шай берілді, ал таңертең боран басылып, жолдар тазартылғаннан кейін қозғалысын жалғастырды. Оларға медициналық көмек қажет болған жоқ. Жолаушылар мен жүргізушілер аудандық әкімдіктің ТКШ бөлімінің басшысы Амангелді Қойшыбаевқа, полиция және ТЖ бөлімінің қызметкерлеріне көрсеткен көмегі үшін шын жүректен алғыстарын білдіріп, Наурыз мерекесі қарсаңында оларға денсаулық пен амандық тіледі", - деп Уәлиханов ауданы ТЖБ қызметкері азаматтық қорғау аға лейтенанты Ақылбек Амангелдинов құтқару операциясына түсініктеме берді.
Бұл жағдай Қазақстанның тұрғындары туыстары мен жақындарына, көршілеріне қонаққа баратын "Көрісу айт" мерекесі кезінде орын алды. Оларды көктемнің басталуымен құттықтады.
СҚО ТЖД баспасөз қызметі