Батыс Қазақстан облысындағы су тасқыны жағдайы туралы ақпарат
Батыс Қазақстан облысында су тасқынына қарсы белсенді іс-шаралар жалғасуда.
Осы тәулік ішінде жағдайды тұрақтандыру және тұрғын үйлерді одан әрі су басудың алдын алу мақсатында қауіпті учаскелерде инертті материалдар салынған 3000-ға жуық қап төселді. Жұмыстар Бәйтерек ауданында, Бөрлі, Қаратөбе, Шыңғырлау аудандарында және Орал қаласында жүргізілуде. Сонымен қатар, су басқан аудандарда тәулігіне 40 000-нан астам текше метр су сорылды.
Орал қаласының шегінде Дерқұл және Шаған өзендерінің арналарында су деңгейіне мониторинг жүргізу үшін бақылау бекеттері қойылды, олар сағат сайын өлшеулер жүргізеді және жедел шараларды уақтылы қабылдау үшін осы өзендердегі су деңгейінің көтерілуі мен төмендеуі бойынша жағдайды бақылайды.
Тартылған құрылымдардың жедел жұмысының арқасында су басқан 6 үйден су толығымен сорылды, бұл Сырым және Теректі аудандарының эвакуацияланған 30-ға жуық тұрғынына өз үйлеріне оралуына мүмкіндік берді.
6 күн бойы құтқарушылар жергілікті атқарушы органдармен бірлесіп, өзендегі су деңгейінің көтерілуіне байланысты Бәйтерек ауданының Зеленое ауылында су тасқынына қарсы іс-шаралар өткізді. Қабылданған шаралардың арқасында осы ауылда тұрғын үйлерді су басуға жол берілмеді. Бүгінгі таңда өзендегі су деңгейі төмендеп, ауылды су басу қаупі жойылды.
Бәйтерек ауданының Достық ауылында инертті материалдарды төсеу бойынша қабылданған алдын алу шараларының нәтижесінде тұрғын үйді су басуға жол берілмеді және басқа үйлерді су басу қаупі барынша азайтылды.
Тартылған құрылымдардың жедел жұмысының арқасында Сырым және Теректі аудандарында су басқан 6 үйден су толығымен сорылды, бұл эвакуацияланған 30-ға жуық тұрғынына өз үйлеріне оралуына мүмкіндік берді.
Қалған эвакуацияланған 33 адам уақытша эвакуациялау пункттеріне, 238 адам туыстарының үйлеріне орналастырылды. 280-ден астам ауыл шаруашылығы жануарлары қауіпсіз жерлерге айдалды.
Батыс Қазақстан облысы ТЖД бастығының орынбасары Қанат Доспаев Батыс Қазақстан облысының елді мекендеріндегі көлік қатынасынсыз қалған жағдай туралы айтып берді. Осылайша, бар қауіп-қатерлер мен болжамдарды ескере отырып, құтқарушылар су тасқыны басталғанға дейін күні жақын жүкті әйелдер мен медициналық көмекке мұқтаж адамдарды су тасқыны басталғанға дейін алып шықты.
«Жалпы 11 жүкті және екі науқас адам сол жерден шығарылды. Олардың бір бөлігі су баспаған елді мекендердегі аудандық ауруханаларға, енді бір бөлігі туыстарының үйлеріне орналастырылды», - деп Қанат Доспаев түсіндірді.
Сонымен қатар, Қанат Доспаев ауылдарда азық-түлік дүкендері бар екенін айтты. Дүкен иелері өнімдердің қажеттілігі туралы мәліметтерді әкімдіктерге береді, оларды әкімдіктер сатып алады, ал азық-түліктерді құтқарушылар жүзу құралдарымен және өтімділігі жоғары техникамен жеткізіледі.
Қанат Доспаев барлық елді мекендерде электр қуатына байланысты орын алған ақау тез арада жойылғанын атап өтті.
Авариялық-құтқару және шұғыл жұмыстарды жүргізуге Атырау және Маңғыстау облыстарынан қосымша тартылған ТЖМ күштері мен құралдарымен, ТЖМ, жергілікті атқарушы органдардың, ІІМ, ҚМ жеке құрамнан 1000-ға жуық адам, инженерелік техниканы, мотопомпаларды, жүзу құралдарын, тікұшақты қоса алғанда 400-ден астам бірлік техника қатысуда.
Мүдделі қызметтер мен ұйымдар – ЖАО, Қазсушар, Қазавтожол өкілдерінің қатысуымен республикалық және облыстық жедел штабтар тәулік бойы жұмыс істеуді жалғастыруда.
«Жедел желі» телефоны жұмыс істейді, оған ақпараттық сипаттағы 202 қоңырау түсті.
Қазіргі уақытта 57 үйдің аумағында су сору және су бұру каналдарын төсеу бойынша жедел жұмыстар жүргізілуде.
Айта кету керек, су тасқыны басталғанға дейін жүргізілген кең ауқымды су тасқынына қарсы іс-шаралардың арқасында инженерлік жұмыстар жоспары шеңберінде бірқатар елді мекендер үшін қауіп-қатер тәуекелдерін барынша азайтуға мүмкіндік туды.
Мәселен, Тасқала ауданының Тасқала ауылында, Жәнібек ауданының Жақсыбай және Таловка ауылдарында, Қаратөбе ауданының Шалғын және Қаратөбе ауылдарында ұзындығы шамамен 5 километр су бұру арналары мен арықтарды тереңдету және орнату, сондай-ақ ұзындығы 1 600 метр бөгеттерді орнату бойынша жұмыстар жүргізілді. Іс-шаралар аталған елді мекендерді су тасқыны қаупінен қорғауға мүмкіндік берді.
Тасқала ауылында су тасқыны кезеңінің алдында Дерқұл өзенінің арнасы бойымен қамысты шабу және өсімдіктерден тазарту жұмыстары жүргізілді. Нәтижесінде өзен деңгейі қауіпті белгіден асып кетсе де, су кедергісіз өтті. Бұл елді мекенде су тасқыны тіркелген жоқ.
Батыс Қазақстан облысы ТЖД баспасөз қызметі