Құтқарушылар 49 жастағы жоғалған ер адамды аман-есен тапты

2023 жылғы 21 ақпанда сағат 14:36-да 112 құтқару қызметіне  Ақтөбе облысы Хромтау ауданы Абай ауылдық округінің «Октябрь» шаруа қожалығынан 1974 жылы туылған азамат  мал іздеп шығып, қайтып оралмағандығы туралы хабарлама келіп түсті.

Іздестіру-құтқару жұмыстарына Ақтөбе облысы ТЖД 4 құтқарушысы мен 1 бірлік техникасы жұмылдырылды.

Іздестіру-құтқару жұмыстарының нәтижесінде 22 ақпан күні сағат 01:55-те 49 жастағы ер адам «Октябрь» шаруа қожалығынан 18 шақырым жерден табылып, Абай ауылына жеткізілді.

Медициналық көмекті қажет етпеді.

Ақтөбе облысының ТЖД азаматтарды алыс жолға шыққан кезде дауылды ескертулермен танысуға және қысқы кезеңдегі қауіпсіздік ережелерін қатаң сақтауға кеңес береді.

 

                                       Ақтөбе облысы ТЖД баспасөз қызметі