Орталық ардагерлер кеңесінің II пленумы өтті
2022 жылғы 7 желтоқсанда Төтенше жағдайлар министрі генерал-лейтенант Ю. В. Ильиннің қатысуымен бейнеконференциялы0 режимде «Қазақстан төтенше жағдайлар жөніндегі ардагерлер ұйымы» қоғамдық бірлестігінің орталық кеңесінің II пленумы өтті.
Пленумға ТЖМ орталық аппаратының құрылымдық бөлімшелерінің басшылары; комитеттердің төрағалары; облыстар, Астана, Алматы, Шымкент қалалары Төтенше жағдайлар департаменттерінің бастықтары; ведомстволық бағынысты мемлекеттік мекемелердің, ұйымдардың, кәсіпорындардың басшылары және азаматтық қорғау органдарының қызметі мәселелері жөніндегі қоғамдық кеңестің мүшелері шақырылды.
Пленум 11 тамызда кенеттен қайтыс болған Жамбыл облысы қоғамдық бірлестігі филиалының төрағасы, ТЖМ құрметті ардагері, өртке қарсы қызмет полковнигі Б.А. Бейсембаев пен Астана қ. ТЖД қызметкері азаматтық қорғау капитаны А.С. Забикулинді бір минуттық үнсіздікпен еске алудан басталды.
Орталық ардагерлер кеңесі төралқасының төрағасы отставкадағы генерал-майор М.Қ. Ысқақов кіріспе сөз сөйледі.
Орталық ардагерлер кеңесі төралқасының 2021 жылдан 2022 жылға дейінгі жұмыс кезеңінде орталық ардагерлер кеңесі төралқасының мүшесі, қоғамдық бірлестік төрағасының орынбасары Юрий Сохин баяндама жасады, филиалдардың жұмысы туралы Атырау облысы филиалдарының төрағалары - С. К. Дүйсекенов және Қарағанды облысы - Б. Е. Әбдіраев есеп берді.
Сонымен қатар, пленумда Абай, Жетісу, Ұлытау облыстарында және Мәлік Ғабдуллин атындағы азаматтық қорғау академиясында ардагерлер ұйымының төрт жаңа филиалын құру туралы ұйымдастыру мәселелері қаралды.
28 адамнан тұратын орталық ардагерлер кеңесінің жаңартылған құрамы бекітілді.
Пленум соңында Юрий Ильин ардагерлердің 2021-2022 жылдары үлкен жұмыс атқарғанын атап өтті.
Ардагерлердің, олардың отбасы мүшелерінің өмірінде туындайтын әлеуметтік мәселелерді шешуге жәрдемдесу мақсатында ТЖМ Ардагерлер ұйымы қызметтік борышын орындау кезінде қаза тапқан отбасыларға, балалар үйлеріне, аз қамтылған отбасыларға медициналық емдеуден өтуге қаржылай көмек көрсетті, сондай-ақ санаторийден жолдамалар сатып алынды.
Министр ардагерлер ұйымының жұмысындағы маңызды бағыттардың бірі жастармен жұмыс екенін, патриоттық жұмысқа барынша назар аударуды, азаматтық қорғаудың жас қызметкерлерін еңбекке, эстетикалық және адамгершілік тәрбиелеуге барынша жәрдемдесуді, оларға қызметтің үздік еңбек дәстүрлерін беруді жалғастыру қажеттігін де атап өтті.
«Қазақстан төтенше жағдайлар органдары
ардагерлерінің ұйымы» қоғамдық бірлестігі