Шлагбаумдар жедел қызметтердің жұмысына кедергі келтіреді

    «Өрт сөндіру және басқа да арнайы техника мен жедел жәрдемнің жүруі үшін жол  бос болуы тиіс, туындаған қиындық көп уақыт жоғалтуға әкелуі мүмкін, ал бұл өз кезегінде азаматтардың өмірі мен олардың мүлкіне қауіп төндіреді. Өрт сөндіру кезінде аулаларға шығу мүмкін болмаған кезде, біз осындай проблемаға тап боламыз. Тұрғындар орнатқан үй кедергілері, шлагбаумдар, плиталар оқиға болған жерге дер кезінде жетуге мүмкіндік бермейді. Жеңқолды төсеп, өрт оқпандарын көтеріп, өртті сөндіру керек. Бірақ баспалдақ торы түтінденіп, көмекке мұқтаж адамдарды, мысалы, балкондардан құтқару қажет болады», - дейді Өскемен қаласының ТЖБ бастығы Самат Бақытқанұлы.

Өскемен қаласы ТЖ басқармасының мамандары өрт сөндіру автокөлігімен арнайы рейд өткізді, бұл адамдарға қиын жағдайда көмектесу қажет болған кезде құтқарушыларға қаншалықты қиын екенін көрсету үшін қажет.
      Рейд кезінде шлагбаумдар мен бетон жабындары орнатылған аулалар анықталды.
      «Қазақстан Республикасының Өрт қауіпсіздігі ережелерінің 164-тармағына сәйкес «Ғимараттар мен өртке қарсы сумен жабдықтау көздеріне жолдар, өтпе жолдар мен кіреберістер жарамды күйде және өрт техникасының өтуі үшін қолжетімді болуы тиіс. Тұрғын үйлердің, аумағына кіре берісте шлагбаумдарды орнатқан кезде персоналдың тәулік бойы кезекшілігі бар стационарлық бекет ұйымдастырылады және шлагбаумдар оларды қолмен ашуға арналған құрылғымен қамтамасыз етіледі», - деп Өскемен қаласының ТЖБ бас маманы Диас Сейтхазин атап өтті.
     Тұрғын үйлердің аулаларында жүргізілген рейд шлагбаумдардың маңында қажетті бекеттердің және шлагбаумды қолмен ашу мүмкіндігінің жоқ екенін көрсетті. Мәселе өзекті және тез шешуді талап етеді.
     ШҚО ТЖД құтқарушылары кез-келген жобаларды әзірлеу кезінде азаматтарды және үйге қызмет көрсететін ұйымдарды жедел қызметтердің жұмыс істеу жағдайларын міндетті түрде ескеруге шақырады. Жауапсыздық пен немқұрайлылық қайғылы салдарға әкеп соғуы мүмкін.

ШҚО ТЖД баспасөз қызметі