Қостанай облысында суға шомылу маусымы басталды

Қазір қостанайлық құтқарушылардың ыстық кезеңі басталды. Солтүстік өңірлік аэромобильді жедел-құтқару жасағының қызметкерлері тәулік бойы шомылғысы келетіндерді қадағалайды. Күн сайын салқын суға шомылғысы келетіндер көп болады және олардың әрқайсысы өзіне қауіп төндіруі мүмкін.

Құтқарушылар алдын алу үшін рейдтер жүргізеді, демалушыларға судағы қауіпсіздік ережелерін түсіндіреді, жазатайым жағдайлардан сақтау үшін парақшалар таратады. Өкінішке орай, биылғы жылы суға шомылу кезінде суда зардап шеккендер бар, олардың арасында кәмелеттік жасқа толмаған үш жасөспірім бар.

Құтқарушылардың айтуынша, олар үшін «апаттық жағажайлар» деп аталатын рұқсат етілмеген суға шомылу орындары қиындық туғызады. Өйткені, адамдар жиі қаза болады.

Ыстық ауа райының басталуымен Қостанай ауданының ТЖБ қызметкерлері СӨАҚЖҚ және жергілікті полиция қызметімен бірлесіп, облыстық "Qostanai" телеарнасының журналистері үшін баспасөз турын ұйымдастырды.

Түсірілім тобы құтқарушылармен және құқықтық тәртіп сақшыларымен бірге қала тұрғындарының сүйікті жерінде - гагарино платинасында болды. Өйткені мұнда демалушылар көп.

«Бұл табиғи жағажай, қостанайлықтар үшін танымал-шомылу үшін өте қауіпті орын. Бұл жерде Тобыл өзенінің арнасы тарылып, ағысы күшейтілген, - деп Қостанай ауданының ТЖБ бастығы азаматтық қорғау майоры А. Махмұтов сендіреді. – Жыл сайын бұл жерде «шомылуға тыйым салынады» деген тыйым салу белгілері орнатылады. Алайда, адамдар бұған мүлдем қымсынбайды. Олар тыйым салу бағанасына назар аудармайды, кейбір азаматтар оларды бұзып тастайды. Сондай - ақ, маскүнімдер мен ата-анасының қарауынсыз балалар көп».

Ағымдағы жылдың 1 маусымынан бастап Қостанай ТЖ қызметтері күшейтілген жұмыс режиміне көшті. Күн сайын СӨАЖҚЖ төрт маманынан тұратын топ қостанайлықтармен алдын алу жұмыстарын жүргізеді. Құтқарушылар қала тұрғындарына абай болуға және рұқсат етілген жерлерде ғана шомылуға кеңес береді.