Оқушыларға «Қауіпсіз жаз» күні өткізілді

Балалар жылы аясында 2022 жылғы 18 мамырда Павлодар облысы Төтенше жағдайлар департаментінің аумақтық бөлімшелерінде білім бөлімінің оқушылары үшін «Қауіпсіз жаз» күні өткізілді.

Іс-шараның мақсаты балалар жарақатының алдын алу, облыс су айдындарында балалар мен жасөспірімдердің қауіпсіз мінез-құлық дағдыларын қалыптастыру болып табылады.

 Құтқару станцияларында оқушыларға экскурсиялар, алғашқы дәрігерге дейінгі көмек көрсету бойынша мастер-кластар, суға батқандарға көмек көрсету кезіндегі іс-қимылдар ұйымдастырылды, сондай-ақ мектептерде су айдындарындағы қауіпсіз жүріс-тұрыс тақырыбына сурет салу конкурстары ұйымдастырылды.

 Жедел-құтқару жасағы басшысының орынбасары Серік Шериязданов пен құтқарушы Виталий Хазов балаларға сүңгуірлер мен құтқарушылардың барлық құрал-жабдықтары мен киім-кешектерін көрсетті, жүзу құралдарының техникасымен таныстырды. Балаларға су айдындарындағы қауіпсіздік қағидаларының негізгі талаптарын еске салып, өткен жылғы судағы қайғылы оқиғалар туралы айтып берді.

 

Павлодар облысы ТЖД АҚБ