Ақмола облысында өрт сөндірушілер зейнеткерді құтқарды

Бүгін, 20 қаңтар күні сағат 10.37-де Сандықтау ауданының 17-өрт сөндіру бөліміне Балкашино ауылы Абай көшесі мекенжайы бойынша 80 шаршы метр алаңда жеке тұрғын үй шатырының өртенгені туралы телефон хабарламасы келіп түсті, - деп хабарлайды Ақмола облысы ТЖД баспасөз қызметі.

Оқиға орнына ТЖД күштері 8 қызметкер мен 2 бірлік техника дереу жіберіліп, өрт сөндіру барысында 1940 жылы туған зейнеткер құтқарылды. Өрт сағат 11.07-де ауыздықталып, сағат 11.30-да сөндірілді. Қаза болғандар мен зардап шеккендер жоқ. Өрттің шығу себебі анықталуда.

Ақмола облысының Төтенше жағдайлар департаменті облыс тұрғындары мен қонақтарына өрт қауіпсіздігі ережелерін сақтау қажеттігін ескертеді. Өрт қауіпсіздігінің қарапайым ережелерін сақтау Сіздің және жақындарыңыздың өмірін сақтай алады. Өрт шыққан жағдайда дереу «101»және «112» қызметінің телефондарына қоңырау шалыңыз.

 

 

Ақмола облысы ТЖД баспасөз қызметі